في قدر زيت ..!!

[وصل العطياني؟؟؟]

السلام علاكم
هذي القصيدة لها مناسبة <-- قل قسم

زميلنا الشاعر عبد الله بن عتقان تعرض لحادث قبل اسبوع ...

ونجى من الحادث ولله الحمد ...

البارح كان مسوي له حفلة بمناسبة السلامة ...

وكنت أنا مدعو على الحفلة ...

المهم إتصلت عليهم المغرب أبغى أسألهم عن الموقع ...

وصفوا لي الموقع وقالوا تعال بدري عشان تلقي قصيدتك من بدري !!

قلت أي قصيدة ؟!!

قالوا أجل ما سويت قصيدة في المناسبة ؟

قلت لا

قالوا الناس اللي أبعد منــك ولا بينهم وبين عبدالله مثل علاقتكم سووا قصائد وانت لا !!؟

عاد وقتها تدورني ولا عاد تلقاني

ما كان معي وقت أبد ..

وأنا في الطريق وقربت عليهم ....

وتجيك القريحة من رب السماء نازلة |165|

وأكتب هذه القصيدة :

المعذرة يالربع والله ما علمت ولا دريت = والاّ لأسوي لي قصيدة يالها من يالها
لكنّ وأنا جايكم سويت لي عشرين بيت =سويتها وأخترت من بين البيوت جزالها
أربع طعش نقــّحتها والباقية في قدر زيت!! = يكفيني الشعر الجزل مالي ومال طوالها
يا هاجسي ياللي من الهقوة وغادي لا هقيت = إفزع ترى ما للزوم رجال غير رجالها
حضـّر بيوتٍ تطرب السامع ليا منــّي بديت = قد اللزوم وقد هيبة عزوةٍ جينا لها
وأنا بيوت الشعر تخضع لي ليا مني نويت = والله لتخضع لي غصب والاّ لأشيــّن فالها
يالعزوة اللي يوم جاء مرسولهم في الحال جيت = لو ان حفلتكم على سطح القمر رحنا لها
ومناسبتكم غالية ذايع لها في الكون صيت = يا جعل فرحتكم على طول السنة وليالها
والحمد لله يا ولد عتقان يوم انك نجيت = وسيارتك فدوة وسيارة تجيك بدالها
ما يمنع المكتوب كلة لو والا ليت ليت = ما مع بنادم في المقدر حيلةٍ يحتالها
ما تحصر أمجادك يا بن عتقان لو اني حكيت = وانته مسيـّس من رجالٍ ما ضيات أفعالها
من سابق الأيام يا نعم الصحيب ليا نخيت=وليا نخاني قلت له حنّالها حنّالها
وبعض العرب يُـفقـَد وتبكيه الخليقة بيت بيت = همــّه يفتّ كبود خلق الله ويهدم حالها
وبعض العرب يمكن تشوفه حيّ وهوه حيّ ميت = وإن مات ما يبكي عليه إلا المره وعيالها

شارك عدة شعراء في المناسبة ...

بعضهم ما اعرف أسماؤهم ...

لكن من بين الشعراء ..

عبد الله الطلْحي وعبدالله القثامي وماجد المسعودي ومحمد العطاوي وعبدالملك السلمي وابراهيم الشيخي ودخيل الله الزحيمي وعدة شعراء ...






تحيااااااااااااتي

التوقيع

na111na@hotmail.com