يبون وسم قديم ماحداً طبه

[حمودي مصده]

عديت في مرقب ٍ والذيب يقنبه ××××× اجاوب الذيب لامن جر بلحونه
أنا فؤادي ترى الهاجوس يلعبه ××××× تكفون تكفون مثلي لاتقاصونه
قالوا تحب القنص ايه بله احبه ××××× هنيت ناس كثيره مايحبونه
ناس تنام الضحى للظهر منكبه ××××× مايعرف القنص والبر وشلونه
حب القنص في شراييني تشربه ××××× اللي يحب القنص لالاتعذلونه
يازين ورواحهن يمه اللبه ××××× قدامهم قايد الحمله ويتلونه
يبون وسم قديم ماحداً طبه ××××× واللي على بالهم فلقفر يلقونه
شوف الحباري وجرتهن مع الخبه ××××× يسوي رصيد البنوك اللي يقولونه
يازين صفه شياهينه على الشبه ××××× في حروة القنص والممشى على هونه
واللي على كفه أشقر برقعه ذبه ××××× يشوف شوف تراكم ماتشوفونه
من حقه انه يمار يبه وينصبه ××××× يكفيك قدم فعله شكله ولونه
ترى القنص ياغشيم القنص ذاطبه ××××× هذي طراة القنص ياللي تعرفونه

هذه القصيده للشاعر :ـ سعد السهلي