جار الزمان وشاب راسي من الجور

[فواز الشيباني]

بالله ياالطرقي نبي منك الاخبار = لعل جوحسين والقرن ممطور
حيثه مداهيل لحسكات الاوبار=ومدهال ربع بلمراجل لهم دور
بالله بشرني ترى الفكرمحتار = جار الزمان وشاب راسي من الجور
يامحلا لاصار للعشب نوار=واصبح عكر رمثه من السيل محفور
جعله من العارض الى حزم سنجار = ويجيك متحدر الى فرعة الزور
ياتي عطا رحمة على كل الاقطار = ولاينذكرلي واحد منه مضرور
يازين مسراح المصفح مع القار=لاسرحه راعيه مع شقة النور
لاجيتوا الساجي ولفيتوا ايسار=ينساح صدر اللي من العام محكور
اختر ودور منزلك ياابومختار = منته على ماتكره النفس مجبور
من حال تنزل باشر بشبة النار=وعجل بذبح الكبش وابليس مدحور
وبيت الشعر يجذب بعيين الانظار=من بعد يزمي لك كما نايف القور
واسمر مع ربع على الجمر سمار=تمسي بنو الخير والطيب مذكور
والصبح سج الرجل من دار لادار=يالادمي تراك منهي ومامور
ولاتستمع في شور عمسين الاشوار = شورك براسك لاتسمع لهم شور
شوف الزبيدي في صحاصيح الاقفار=وشوف الفياض وشوف من كنهن حور
يجلى صدى صدر عليه الدهر جار = تمسي مريح وتصبح الصبح مسرور
ريح النفل ريحة دكاكين عطار = تقول فوقه عنبر الهند منثور
خلك على سج المرابيع جبار=لفطار واضحيه وثلثين عاشور
وان جوك ربع قاصدينك بمسيار = رحب ترى من يفعل الطيب مشكور
واتعب على ربعة طويلين الاشبار=ولاالردي خله بتسعين عاثور
لابد ماتنكف وتنوي بمحدار = تاتي على بيبان فلتك ناطور
عقب الربيع وريح بنات الازهار=ياتيك حر يطبخك سبعة شهور
اصبر على ماجاك والوقت دوار = والصبر زين وراعي الصبر ماجور
يقوله اللي عارف نظم الاشعار = لاعدها ماجاك بالبيت مكسور

[فيصل المسعودي]

دايمك لطشك عاجبنا


صح لسانك ولسان القائل


تحياتي

[((الدلبحي))]

صح السانك والسان الهاجري


واسمحلي على التنسيق

تحياااااااااااااااااااااتي

[فواز الشيباني]

اخي فيصل المسعودي بارك الله في مرورك الكريم

[فواز الشيباني]

اخي الدلبحي مشكور على التنسيق يعطيك العافيه

[فهد العصيمي]

صح لسانك يافواز ولسان الهاجري

ولاهنت على اللطش والإختيار الموفق

[الاجرب]

الاخ فواز الشيبانى لاهنت على النقل الجميل

ولاهن الشاعر الهاجرى

[ابـن نـعـيـس]

فواز


صح لسانك ولسان الهاجري

تحيااااااااااتي

التوقيع

[فواز الشيباني]

اخي فهد العصيمي الف شكر ولاهنت ويعطيك العافيه

[فواز الشيباني]

اخي الاجرب الله يعطيك العافيه