الــــــــمــسعـــــودي و الـــــــجـبـرتـــــــي

[الفراهيدي]

يا سلام الله بقاف تولع منه نار=واستمع في جابتي يا ولد وافطن لها
أنت ثوبك فيه بنزين والبنزين ثار=والمطافي تطفي النار لو ترسل لها
مرحبا يا الشاعر اللي يقررها قرار=والمكاسب في جيوبه ومتحثلها
لو عيونك شوفها زين وتحق العيار=كان ما دورت من للطريق يدلها
عز حال اللي يبي منك فكره وافتكار=ضاعت أفكارك وضاعت علومك كلها
وأنت سنك وشكلك وشغلاتك كبار=شي تحايلها وشي ما قدرت تحلها
يا الجبرتي لا تغبر ويعميك الغبار=لا يقع روحك تحسب الغبار أحسن لها
وأنت شايب وأبيض الشيب لأصحابه وقار=وأن دعيت أليا كرامه سريع أعجل لها
الكرامة للرياجيل في كل الديار=والرجال الطيبين الكرم يحفل لها
حط لي وقعك بيمناك وألا باليسار=والدوادي يا ابن مستور عني خلها
بعض هرج الليل زبده يميعها النهار=شجرتك اللي ظليله تشح بظل لها
البخيل الله يعافيك بيته بيت فار=من هنا يحفر من هنا يدفن لها

تحياتي...................( الفراهيدي ).....................تحياتي

التوقيع

AL-frahedi@hotmail.com