لو البنادم دنيته جات بالكيف ..........................

[عمير الثبيتي]

لو البنادم دنيته جات بالكيف
ماشفت حياً دمعته فوق حده

مار الليالي للبنادم حواذيف
والوقت يلعبه بجزره ومده

ايامه الحلوه تمره كما الطيف
وأيامه المره توسم بكبده

ون جيت اوصف كايدات التواصيف
في هجرنا ولين ماني بقده

يامكثر ابوابه وفيها عواصيف
واليا انفتحلك باب منهو يسده

ابدي برجلي عاليات المشاريف
وحط يدي فوق قلبي وهده

وقول ياقلبي من الهم ماتعيف
ويقول علم واحداً شال يده

قلت له انا ماني براعي تحاسيف
احسف على ماراح وذكر وعده

اللي كتبه الله اللي فيه تشريف
مسلم لحكم الله وراضي وحمده

و ليا ابتلا قلبي بهموماً مراديف
تجليه تال الليل ركعه وسجده

قال انتهينا ولتزم بالتكاليف
اللي كتبه الله بكتابه لعبده

[راشد النفيعي]

صح لسااانك واعتلا شانك

[عمير الثبيتي]

صح بدنك اخي الكريم راشد النفيعي

[عمير الثبيتي]

.................................