الحزن عم المملكه واظلم الكون

[خليل المطيري]

بسم الله الرحمن الرحيم

اخواني وأخواتي

السلام عليكم ورحمة الله وبركاته


عظم الله أجرنا وأجركم وأحسن الله عزائنا وعزائكم
كم احزننا فقيد قائد الأمه وزعيم من أعظم زعماء العرب

ولكن لا نقول إلا


إنا لله وإنا إليه راجعون
ولا حول ولا قوة إلا بالله


نسأل الله ان يبدله داراً خيراً من داره
وأهلاً خيراً من أهــــــــــــــــــــــــله
وأن يسكنه فسيح جناااااااااااااااته




اليكم هذه المشاركه .. المتواضعه .. كتواضع كاتبها

الحزن عم المملكه واظلم الكون = من فقدها فهد العروبة والاسلام
مات الفهد والناس للموت يبكون = يا كيف لا من مات كفّال الايتام
وغابت اسنين العمر والموت مضمون = كل البشر تفنى لها الموت هدام
عاش العمر في عز الاسلام مرهون = عاش العمر لبيوت الإله خدام
يشهد له التاريخ والناس يدرون = ذكر الفهد يجرى مع كل الأيام
يشهد له المسلم ومن لا يصلون = وتشهد له البيتين والقدس بالشام
هذا الفهد تاريخ للي يحكمون = سيره . علم . قوه . تطور . ومقدام
من هيبته كل العداء له يهابون = يعجز عن التوصيف كاتب ورسام
يحسب له العاقل ومن كان مجنون= حاكم وعادل بالوفاء دوم عزام
يبكيه طفلٍ يسمع الناس يحكون = عن سيرته لا عد من ضمن الأعلام
ويبكونه ايتامٍ لموته يلجون = نحيبهم يسمع كما صوت نهام
وتبكيه نجد وكل منهم يقولون = ذاك الفهد حب الفهد كنه اوسام
ويبكيه بيتٍ حوله الناس يسعون = وجبال مكه والمدينه ومن صام
ويبكونه اهل الشرق والغرب بعيون = ما ينتهي دمع الحزن مر الأعوام
مات الامام العادل اللي تعرفون = ذاك الفهد عن خدمة الشعب مانام
ذكرى الفهد لا صار بالخير يطرون = ما تنتهي تحفظ كما حفظ الأفلام
هذا كلام اللي من القلب محزون = ودمعه على خده وفي ايديه مرسام
يرسم على وجه الورق لون في لون= لون الحزن غطى سما فكر الأحلام
يرسم سواد الحزن والحزن مخزون = ما ينتهي حزنٍ على القلب حجام
يا الله يا مجري الهوى يدفع امزون = يا واحدٍ بالحكم والعدل رحام
تغفر لبو فيصل بعد صار مدفون = وتجزيه بالحسانات يا رب الأنعام

حسام الشعر
خليل المطيري