الألفيه - الفية الغبـيـوي

[سفر الغبيوي]

الف اولف من صميم الفوادي=ابيات من قول الغبيوي جدادي
وأقطف زهور الورد وأهديه كله=للعارفين الحضر واهل البوادي
والبا بنيت اليه قصور كثيره= شيدتها في كل قريه وديره
حسو الزمن لابار شلت الذخيره= والبيت مايبنا بليا عمادي
والتا تعبت وحفيت اقدام رجلي= مشتني الاقدار راكب ورجلي
وكم صلفقت مر المقادير رجلي=والوقت طول ماتحقق مرادي
والثا ثمان سنين جاري وساعي= فريت في كل الفجوج الوساعي
وأكتلت من مرّ الليالي بصاعي= غصب عليّه همت في كل وادي
والجيم جربت البشر كل حيني=جربتهم في العسر ووقوت ليني
وأخترت منهم صاحبن لي عويني= قرم يعاوني بوقت الجهادي
والحا حمول اثقال أنا شلتهنّه= يشيلها الصبّار لو أوجعنّه
لو كان جرحه وسط قلبه يكنّه= غصب عليه ايمس حبل الشدادي
والخا خوي الدرب أنا وين ابلقاه= خل ايصافيني على كل ماأبغاه
واليا لقيته باأدفع المال والجاه= وأصوم لأجله عن شرابي وزادي
والدال دالوب الدهر دوم دوّار= يالله تكفيني صواديف الأقدار
وتزيل عن قلبي همومه والأفكار= والحظ جعله دوم يرقى سنادي
والذال ذاب القلب من كثر مابه= ذابت عروقه كلها من مصابه
منهو يداو القلب مما سطابه= وين الطبيب اللي يجيب المنادي
والرا رمتني في بحرها المقادير= وأسقتني اللوعات من دون تقدير
وأتعبت نفسي وأتعبتنا المشاوير= يالله عسى بالحظ يهب البرادي
والزاي زادت بالخفوق اللهايب= من ساعر في وسط الأضلاع ذايب
وأزريت اطفّ النار مامن هبايب= والنار لوّ كبرت تعود رمادي
والسين سهرانن ولا ذقت نومي= سهرت عيوني كاثرات همومي
ماعاد أعرف الليل من صبح يومي= ولاعاد أميّز بيضها والسوادي
والشين شيال الثقايل علامه= وطا الحزام وصاح ذب العمامه
ياناس قولوله يوطي إحرامه= ماعاد ابه فود يسر العبادي
والصاد صرّاف الدراهم يعده= يحسب دقايقها وأنا أعرف مرده
لوّ راح يم الشمس ليّه مرده= لزّمن عليّه أظهر الحق بادي
والضاد ضيعت الفرح والسروري= أمشي مع البيداء سنود وحدوري
من يوم حظي طاح صرت امعثوري= عيّا يقوم ولا ضوا بالسعادي
والطا طعون الوقت بالصدر بانت= وأزداد بالضامر مداها وشانت
ماعاد تبرا لوّ أنا قلت هانت= والوقت بالأمرار يطعن عمادي
والظا ظلمني قاسي الوقت بالحيل= ويزيدلي بالمر كيل بأثر كيل
لاهوب طاوعني ولا خفف الشيل= يالله بعزم منك للطم الأعادي
والعين عاوني شباب وشطار= يوم الدهر ميّل عليّه والأقدار
شالو معي حملي مصاغير وكبار= حتى الرضيع اللي بلف المهادي
والغين غاذيهم على كل ماطاب= وعلمتهم تعليم من دون كتّاب
وأرشدتهم ليننهم دلّو الباب= وجنيت زرعي قبل حتن الحصادي
والفا فطيم الديد ماقال صاغر= معهم مشا لوّ كان بالسن قاصر
والحر حرن للمقانيص حاضر= ياطيب فعله عقب شفته وكادي
والقاف قامولي على كل ماأريد= وأشتالوا الصعبات معي الصناديد
والشاهد الله فعلهم زاد ويزيد= أحرار شافوني نهار الهدادي
والكاف كف الله عيون الحسودين= اللي على الأجواد دايم حقودين
واعن الدروب الطيبه هم شرودين= هاذي طبايعهم عساهم نفادي
واللام ليت أيام عمري طويلات= وأجزيه بالحسنى على كل مافات
اللي صبر معيّه وشال الصعيبات= يالله يالوالي تحقق مرادي
والميم مال القلب معها ميالي= من فعلها الطيب نهار القتالي
وأنشهد إن البيض مثله قلالي= والسرج مايصلح بليا جوادي
والنون نور العين وأم الفهودي= قامت وعانتني على كل كودي
ترفع لها البيضا بروس النفودي= المهرة السابق نهار الطرادي
والها هبيل اللي عليّه تشره= لأنه غشيم ولا تذوق مضره
ساهي ولاهي منبسط في مسره= مهبول ياواثق بدنياك غادي
والواو ودووه البحر منه يشرب= اللي وثق بالمال عنا تهرب
أنشهد إنه مابعد قيل جرب= لوعات بقعا بالسنين الشدادي
واليا يقول اللي نظمها وغنا= وبالأبجديه رتب القيل بنا
صلوا على المختار أنتم وحنا= رسولنا اللي للبشر خير هادي

[أبو زيد]

اللهم صلي على محمد وعل آله وصحبه .........

الله يعافيك .. ومن فضله يزيدك ويعطيك ....

تحياتي ....

[مرزوق حمدان العتيبي]

صح لسانك
واشهد بالله انها رائعه بحق

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[((الدلبحي))]

بيض الله وجهك

صح السانك

تحياااااااااااااااااااااتي

[الفراهيدي]

صح لســـانك ...

جزل وتمتعنا دائم بالجزل ...

لا هنت يالغالي ..

التوقيع

AL-frahedi@hotmail.com

[نايف الحويماني]

	صــــــــــــــــــــــــــــــــح لســــــــــــــــــــــــــــــــــانك يالغبــــــــــــــــــــــــــــــــــــيوي

[غشام نجد]

صح لسانك يالغبيوي الفية جميلة بحق انت شاعر

[داهية عتيبة]

صح لســـانك


تحياتي

[سفر الغبيوي]

صـح بـدنـــــــكـم جميعـا

وأعتز بما تكتبــون ,أعتــز أكثــر بكلماتكم الطيبــه ،، والتشــجيع الذي يلقـاه كل عضو من أعضاء هذا المنتدى،،

وهذه دلالـه على أهتمام المشرفين بالمنتدى ومحاولة لكسب أعضاء جدد

لكم مني أزكــى تحيـة وأحتـــرام،،،

وبالله التوفيـــــــــــــــــــق