سلمان بن عبدالعزيز

[حمود العازمي]

سيدي سلمان بن عبدالعزيز


ياشبيه الريح ياسمح الجناب
ياسديد الراي ودروع الأمان
ياطويل العمر قدرك بالسحاب
يحفظك ربي على طول الزمان
مايجيك أنسان محتاجك وخاب
أعتزابك وأنت بعد الله ضمان
نذكر أسمك ينفتح للخير باب
خير سلمان الوفي سر وبيان
أنت سلمان الكرم شيب وشباب
وأنت سلمان الفخر قلب ولسان
يابوفهد راعي شداد الركاب
يابوسلطان الشهم عز وكيان
ياوزير الجيش لأجلك مانهاب
مانهاب الموت مهما الحرب كان
كلنا فدوه لأجل أطهر تراب
ندحر العدوان في عشر ثوان
من يعادينا شرب كاس العذاب
لين ياخذ من جزا الحق ويهان
نتبع السنه وشرع الله كتاب
قول رب العالمين من القرآن
من يخالف أمرنا ذاق الحساب
ومن يطيع الأمر له معنا مكان
من يحط الأسئله يلقى جواب
ومن جهل درب السنع بلا عنوان
من ذهب رحلة ذهاب بلا أياب
خارج أسوار الفصل والأمتحان
سيدي سلمان ماهمه سراب
ينطح الأشرار في كسب الرهان
بالسيوف يوقف أسباب الخراب
سيدي والعشر ماتعود ثمان
المريض اليوم من سلمان طاب
بالأمر والشرع وأحكام الإيمان
بعد توفيق الله وبالحق صاب
شعبه يحبه وبايع بأطمأنان
لك تحيه وأحترام مع الخطاب
يحفظك ربي وشانك ألف شان


الشاعر حمود عبيد العازمي