كاشغري وأمــثاله لــ/سيف بن معلث

[سيف بن معلث]

يالله يالعالم بديع الكون في كافً ونون=رحمتك لطفك ياكريمً لك عبادك ساجدين
ولاتؤاخذنا بأهل الإفك واللي يفعلون=اللي لهم دين ولهم بالخافيه مذهب ودين
ياذو الجلال المنتقم عزيز عن مايأفكون=انت العظيم انت الإله انت القوي انت المتين
من ينكر وجودك يارب الكون جعله مايكون=واللي يسب أطهر مخاليقك وختم المرسلين
العام في عرض أم كل المؤمنينا يقذفون =واليوم حمزه يعلن إلحاده أمام العالمين
يالله تولّه في عذابِ تشهده كل العيون=واجعل منه عبره لكل المغرضين المشركين
كاشغري وامثاله سلاح الغير ضد المسلمون=يبون تدمير الوطن والدين مير الله يعين
المصلحون وهم حقيقتهم عداة مفسدون=والله ماعظ اليدين الغر غير المفسدين
ياكشغري وش لون يوم ان الخلايق يحشرون=يوم الكتاب اما بشمال المرء ولا باليمين
وش الاجابه يوم خلق الله عراة يعرضون=في ساعةً بحسابها للخلق بالآف السنين
حتى لو انه معه ناس يكتبون وينصرون=فاليوم الاكبر ساعته ماينفعون الناصرين
والله وهو منشي العظام الرم عنها يسألون=عن كل حرف وكل فعل وكل شي وكل حين
راح القفا بالدين سلعه من زبون اليا زبون=واهل المذاهب والطوايف بايعين ومشترين
اما نكون بديننا ولا عسانا مانكون=الله لايبقينا بدنيا خالصه من دون دين
وبالشام شفنا اهل المذاهب يذبحون ويقصفون=الله يعجل بالفرج في شامنا والله يهين
بشار واتباعه زبانيته طغاة يسفكون=الله يبلا المبتلي والله يعين الصابرين
اعراض تهتك سلب نهب ويسفكون ويقتلون=رجالهم واطفالهم نسائهم والعاجزين
صبراً يأهل الشام من يوم الفرج لاتقنطون=ياشامنا يا كم يحزننا نشوف انك حزين
الشاهد الله كل قلب لجلكم صاح مغبون=وترفع يدين لنصركم بالله وتبكي كل عين
الله يبشرنا بيوم يمسح دموع العيون=نصرِ مؤزر يدحر الله فيه كل الضالمين

سيف بن معلث

[محمد الذيابـــي]

من ينكر وجودك يارب الكون جعله مايكون
واللي يسب أطهر مخاليقك وختم المرسلين



اللهم أمين.



وصح لسااانكـ مليون


في موازين حسناتك ان شاء الله..


...

التوقيع

التوقيع محمد الذيابـــي

[عثمان الثبيتي]

المصلحون وهم حقيقتهم عداة مفسدون
والله ماعظ اليدين الغر غير المفسدين




صدقت لاعتمتك
اعطه الصالي هالمعلون هو و الشرذمه
الذين يقدمون له الدعم ويدافعون عنه
الله يحشرهم في جهنم

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[قيس العازمي]

صح لسانك ياسيف



والله ينصر الاسلام والمسلمين




تحياتي

[عايض جزاء العصيمي]

ياسلام

مبدع

صح لسانك

تحياتي وتقديري لك

[سيف بن معلث]

صح بدنك يـــا محمد الذيابي






وشاكر لك

[فهيد الايدا المورقي]

سيف بن معلث صح لسانك


والله يعز دينه وينصر نبيه


تحيتي

التوقيع

حسابي في تويتر faheed_1234

[فهد علي العازمي]

العام في عرض أم كل المؤمنينا يهتكون

لالالالالالالالالالالالالالالالالالالالالالالالالا

البيت هذا غلط مبناه وبصراااحة يعطي معنى خطيـــر جدا
الله يشرّف أم المؤمنين المبرأة من فوق سبع سموات
أتمنى من المشرف حذفه أو تعديله ليصبح (يطعنون أو يقدحون)
لإن الشاعر وقع من غير قصد في خطاء فادح

[سيف بن معلث]

المشاركة الأصلية كتبت بواسطة فهد علي العازمي

لالالالالالالالالالالالالالالالالالالالالالالالالا

البيت هذا غلط مبناه وبصراااحة يعطي معنى خطيـــر جدا
الله يشرّف أم المؤمنين المبرأة من فوق سبع سموات
أتمنى من المشرف حذفه أو تعديله ليصبح (يطعنون أو يقدحون)
لإن الشاعر وقع من غير قصد في خطاء فادح

رد إستثنائي للتوضيح:
القدير فهد/ أعلم يقيناً أن ردك من دافع غيرتك
وكثر الله أمثالك..
من خلال سؤالي أهل العلم وبحثي فإن الفرق بين الكلمة المذكورة وبديلاتها
التي قمت أنت بذكرها متقارب..
الجدير بالذكر أنني لم يطرأ على ماذهبت إلية..
ولا أراها محل خلاف أو نقاش..وما أقصد طرحة متجلي من خلال الأبيات

دمت كماتحب..

[محمد الذيابـــي]

تم التعديل ياسيف بنجاح