الناس لو تاخذ من اعيونك الشوف

[مفلح نجم الثبيتي]

الناس لو تاخذ من اعيونك الشوف
تنسى وش انت اعطيتها بنص ساعه

مالك ومال اللي لهم عدة وصوف
اللي مبادئهم تَغَيَّر باشاعــــــه
...
لاتخدعك دنياك لو مدًّت كفــــــــوف
هذا الزمن مَسّرَع ويكشف قِناعه

لو كان فيك الموت لاتظهر الخوف
خلك جبل ما حرك السيل قاعه

والموت واحد والعمر حد موقوف
والرزق قسمة يستحيل انتزاعه

والنفس تفنى والذكر ورث معروف
أُما نِعم00والا00 دعوا بانقطاعه

والصاحب اللي وان حصل جاتك اضروف
من دونها واقف000 وشمر ذراعــــــــة

يستاهل انك تحفظه داخل الجــــــوف
انا اشهد انه راس مــــــال ومناعـــــه

ولاتَتّبَع المقفين لو كان ملهوف
طرد المقفي ما وراه انتفاعه

والصبر للرقاب العدا كنّه اسيوف
موتٍ بطي وتجيك تطلب شفاعه

والصمت هيبه صاحبه دايم ينوف
والحلم درعٍ للقلوب الشجاعة

واللي على درب النبي يسلم الخوف
الله وهبّه السّتّرّ ويــّا القناعه

والعبد لو يملك ملايين وولوف
ماتنفعه لاجاه راع الوداعه

يا صاحبي الناس لو تاخذ الشوف
تنسى وش انت اعطيتها بنص ساعه