بدايتن اقول نعم بشمر الطنايا والله يجزاهم خير لمدحهم لقبيلتنا وهذي قصيدة شمري يمدح عتيبه الهيلا
سلام الله على ناسن تحب الطيب بالوانه=تشمر له سواعدها وتقبل به وتقفيبه
سلام الفين مع ميه من الشاعر الى اخوانه=سلامن وافين ضافي على ضيوفه ومعازيبه
قصيدي طالبك تكفى وترى تكفا لها خانه=يفور الدم لاحلت وتصغر لو هي صعيبه
تعال صف جنحانك وهز القصر واركانه=تعال وفرق ازهارك ورش العود مع طيبه
تعال ولبس عتيبه بشوتن غالي اثمانه=ودقه بالذهب صافي على متونه على جيبه
على ذباحة الحايل يصب العز تيجانه=على لطامة العايل يسوق المدح ترحيبه
شيوخن من ضنا شيوخن بماضي الوقت وازمانه=بدو تاريخهم يمشي من شروقه لتغريبه
نيابه عن هل الحفله اهني وازعج الحانه=على عتيبه سلايل حر اهل المجد والهيبه
ترى مليون ماتكفي من التبريك نشوانه=قسم تستاهل المنصب تربع به وتزهيبه
انا بميل اعقالي وبقول ارحب على شانه=سلامن من طنا شمر يعم الحفل وعتيبه
« آخـــر الـــمـــشـــاركــــات »
01-May-2006, 01:14 PM
شمري يمدح عتيبه
العرض الشجري