يالا بس البرقع

[عايض جزاء العصيمي]

هاذي ابيات بسيطه انا ماعتبرها قصيده
فيه مثل شائع عندنا يقول (ياما تحت البراقع من الصواقع)
بعض البنات لاشفتها بالبرقع قلت وش هالجمال(وهي لو شفتها بدون برقع انحشت وتلقيت الخلاء)
وبعضهن لاشفتها بالبرقع قلت بسم الله الرحمن الرحيم وش هالشبهه (وانت لو تشوفها بدون برقع رحت في
خير كان من جمالها وقلت سبحان من اعطاها هالجمال اليوسفي)

فيه بنت حلال مستورة حال (عليها جمال صارخ ) على ماقالوا (ازين من شرد الصيد) ويوم تبرقعت وشفتها
يوم من الايام بالبرقع (ولاهي ياكاف البلاء ) لوني ما عرفها قبل تبرقع كان قلت وش هالشبهه

(والحقيقه ان البرقع يحفظ للمراه قيمتها وكرامتها ولاهو مثل ماذكرت فالابيات) ولاكن ::::::::::::::::

وقلت هذه الابيات

يالابس البرقع عسا الله يسلمك =شوهت نفسك بالبريقع علامك
اللي ملبسكيه يازين ظالمك=قصده ينزل قيمتك واحترامك
يازين منت بشين حتى يلثمك=الزين كله والحلا باستلامك
ارمه ولع فيه محدٍ بلايمك =خل الخدود ينورن بظلامك
يابو ثمانٍ كالبرد في مبيسمك =قطعتنا من ضحكتك وابتسامك