فايز بن سرحان الثبيتي وعجاب الدغيلبي في طاروق ساخن

[طارق الثعلي]

يسرني تقديم طاروق ساخن بين الشاعر / فايز بن سرحان الثبيتي و الشاعر / عجاب الدغيلبي والذي حدث قبل شهرين تقريباً في منتديات مجالس البجادية :

عجاب الدغيلبي :

مرحبـا ترحيبـة ترفـع شعـارات البطولـةشامخة بالعز لايمكن تراجـع عـن هدفهـا

الثبيتي مسلم وامن وصار الخوف حولـهمزهبه مأخوذ والبندق خطفها من خطفها

فايز سرحان الثبيتي :

البقا يامتعب الميدان في عرضـه وطولـهالمراجـل ماتبـا واحـد يجنـب عـن طرفهـا

والوجيه اللي من سلوم الرياجيل مغسولهعانها غرتك ياعجاااااب \ لو غيـرك عرفهـا

عجاب الدغيلبي :

قبل لا تبدأ التجارة ويش عنـدك مـن سيولـةفيه شيكاتٍ صفـر ميـر المصـارف تكتشفهـا

أحسب إن الناس تابت من مراهقة الطفولةلين شفت الحالة اللي صاحب الخبرة وصفها

فايز سرحان الثبيتي :

الفقير اليـا لقـى الـدولار يمنـاه مغلولـهعملة تصعب علاه ولا هقيت انه صرفهـا

مادريت ان اليتيم امه من العام مهبولـهلين شفته يوم قفت عنه بالجزمه حذفها

عجاب الدغيلبي :

قدّم الخدمـة وأنـا بسلمـك حـق العمولـةوأمدحك وأقول كفوٍ للأمـور اللـي وقفهـا

لاتخالف مـا ومربـه ربـك وقالـه رسولـهثم تبعدك الرجال أهل المروة عن شرفها

فايز سرحان الثبيتي:

كان هذي حيلة اللي نص ربعه صفقولهكل مانحداه عن درب المعاصي يقترفها

سلعة ٍ فالسوق والتجار يوم تدور حولـهمابقـى دلالهـا عنـده يميـن الا حلفهـا !!

عجاب الدغيلبي :

خذ وخل من العبر دامـك تطـاوع بالسهولـةوأنت أظن الكايدة مالـك تواجـد فـي كنفهـا

ذاك سوق ٍ عن مثل شرواك مايرفض قبولهوأنت راضي به لو إن النفس ملعون ٍ جدفها

[حمدان العضياني]

طاروق تابعناه كثيرولم نمل منه الى الان لمايحتمل من معنى هادف وسبك وحبك صحة السنة شعراؤه



طارق الثعلي سلمت

[ذعير العالي]

صحت السنتهم

والله يعطيك العافيه ياطارق

[قاسي العتيبي]

عز الله طاروق ساخن

أثر المعركة اللي قبل ليلتين ماجت من فراغ جاي قبلها كلام قوي قبل شهرين

مشكور ياطارق على الإدراج

[محمد الذيابـــي]

صحة السنتهم جميعا



لا هنت يالغالي,,

التوقيع

التوقيع محمد الذيابـــي

[ابو فايح]

طاروق قوي وساخن


صحت السنة الشاعرين


وسلمت يا طارق