الفقر ماهو عيب تدري وش العيب ؟

[رجا بن فهيد الهاجري]

السلام عليكم ورحمة الله وبركاتة

عيدكم مبارك وكل عام وانتم بخير

قصيده اتمنى ان تحوز على رضاكم

ماجـيـت أدور مــال ولا مكـاسـيـبولا مـهـونــة نــفـــس ولا مــذلـــه

امـا نسنـدهـا عـلـى جـمـة الطـيـبولا نـحـدرهـا عـلــى خــيــر مــلــه

النفس عدت في طـوال المراقيـببـالـعـز كـنـهـا دولـتــن مسـتـقـلـه

اسوارهـا كــل الضـلـوع المحـاديـبوابوابـهـا مـثــل الـنـجـوم المـطـلـه

والحـظ ظلمـا والليـالـي مشاهـيـبوالؤقـت لغـزن يتعـب النـاس حلـه

وحنا تحت رحمتـك يـا عالـم الغيـبتغفـر لـنـا مــن كــل هـفـوه وزلــه

لـو الفـقـر ضـيـفٍ وحـنـا معـازيـبيامـرحـبـا بالـفـقـر دقــــه وجــلــه

كرمـان لـو دارت عليـنـا الدوالـيـبوظفـران لــو ان المـزاهـب مقـلـه

الفقر ماهو عيب تدري وش العيـبانــك غـنـي والبـيـت مـحـدن يـدلـه

مـاهـو بمـدهـال اللـحـا والاشانـيـبمقـفـلـن بـابــه وقــفــرن مـحـلــه

واللي يصر القرش في داخل الجيبهـو يحسبـن النعـم سـهـل يحصـلـه

حـفـاوة الطّـيـب كثـيـر التـراحـيـبمطلق عمـس ضيفـه حجاجـه يفلـه

ماهو على ضيفـه قريّـب محاضيـبالا مــداه بـعـيـد مـــا جـــاك كـلــه

واللاش ماسـر الخـوي والاصاحيـبمـن طاولـه ملـه ومـن جــاه مـلـه

[عبدالله جبارالعتيبي]

صح الله لسانك يالهاجري
قصيده جزله من شاعر جزل
ولاكن تقبل الملاحظه بصدرن رحب(بالعـز كنهـا دولتـن مستقـلـه)هذا الشطر مكسور إلا إذا عسفت كلمة كنها)
تقبل تحياتي

التوقيع

يالله يامنجي نبيك من الحـوتوعالم بكل الناس واللي وراها تغفرذنوبي كلهـا قبـل مامـوتأنته ملاج النـاس ونـت الإلاهـا عبدالله المقاطي

[قـنـاص الـقـوافي]

صح لسانك يالهاجري وبيض الله وجهك
ابيات في غالة الجمال والجزاله
واسمحلي ان اشاركك ملاحظتك يابو جبار ولكني اعتقد ان البيت موزون ولكن كلمة( كنها) هي فعلا معسوفه ونطقها كأنك تقول(صنها)..هذا والله اعلم

احترامي وتقديري
للكل

[مجري الهياب]

صح لسانك


والبيت يالربع موزون ولا فيه كسر ولا عسف ولا شي


يمكن القرايه خطاء عندكم

[عايض جزاء العصيمي]

صح لسانك يارجا ء الهاجري

[رجا بن فهيد الهاجري]

المشاركة الأصلية كتبت بواسطة عبدالله جبارالعتيبي

صح الله لسانك يالهاجري
قصيده جزله من شاعر جزل
ولاكن تقبل الملاحظه بصدرن رحب(بالعـز كنهـا دولتـن مستقـلـه)هذا الشطر مكسور إلا إذا عسفت كلمة كنها)
تقبل تحياتي

صح بدنك ياعبدالله

وشكراً على الملاحضه ولو ان الشطر مافيه شيء .

[رجا بن فهيد الهاجري]

المشاركة الأصلية كتبت بواسطة قـنـاص الـقـوافي

صح لسانك يالهاجري وبيض الله وجهك
ابيات في غالة الجمال والجزاله
واسمحلي ان اشاركك ملاحظتك يابو جبار ولكني اعتقد ان البيت موزون ولكن كلمة( كنها) هي فعلا معسوفه ونطقها كأنك تقول(صنها)..هذا والله اعلم

احترامي وتقديري
للكل

صح بدنك يا قناص ووجهك ابيض .

[رجا بن فهيد الهاجري]

المشاركة الأصلية كتبت بواسطة أمجري الهياب

صح لسانك


والبيت يالربع موزون ولا فيه كسر ولا عسف ولا شي


يمكن القرايه خطاء عندكم

صح ابدنك يامجري ولاهنت .

[محمد@الجعيد]

صح لسانك يابن فهيد قصيده جزله

احب ان اعقب على كام الاخوان بخصوص كلمة كنها وهل الشطر مكسور

الشطر ليس مكسور ولا معسوف لان كل شاعر يبني قصيدته بلهجته والهاجري نطق كلمة كنها بلهجته

[فهد علي العازمي]

كل عام والجميع بخير

وصح لساااااااانك يالهاااجري

بيض الله وجهك على النص الشعري الجزل

وتقبل مروري و اعجابي

لاعدمتك