ولي عهد اللي للارقاب عتاق

[مناحي الفرزه]

ان كان ابه للحق حافظ ونطاق=الحق منطوقه وقطع قول ليته
اخوان نوره رايهم اشرق اشراق=ياطيب راين يابو متعب هقيته
نايف عوض سلطان في يبس الارياق=من بعد راح وشيد الناس صيته
بعد رثينا رحلته حزن وافراق=بعد بكوه الشعب وانا رثيته
يالمملكه غني طرب عقب الافراق=نايف ولين للعهد لابكيته
هذا مكانه مابها شك والحاق=قولي بعد سلطان نايف بغيته
ياسيدي نايف على الطيب سباق=الطيب كله فزتبه واحتويته
ياللي برايك ينعقد كل ميثاق=راس الصواب الثاقب اللي بنيته
انته بنيت المجد في حد الافاق=يالي فرقت السوم فيه وشريته
امن الوطن في حضرتك دوم خفاق=مثل العلم رفرف وانت احتميته
ولي عهد اللي للارقاب عتاق=انت السند له كل عالي رقيته
هذا الصحيح وكلمة الحق تنساق=الحق دربي لاقصدت وعطيته
نايف مثال اهل المكارم والاخلاق=راع الوفاء جزل العطايا فديته
لوتمتلي كل الدفاتر والاوراق=شعر ومشاعر مع بعض ماوفيته

التوقيع

جعل من لامني في حب بيض الخدودي ماتفارق عيونه من حياته شقاها الهوى عارفينه من زمان الجدودي واجمل العشق بنت طاغيه في حلاها zaeem2222@hotmail.com