ليا مني بغيت ابني بيوت الشعر وانظمها؟؟؟؟؟

[بدر غالي الصوينع]

هذه القصيد للشاعر / غالي بن شباب الصوينع الدعجاني
التي القاها في مزاين عتيبه


ويـــــــــــــقــــــــــــــــول فـــــــــــــــــــيهــــــــــــــــا

ليـا منـي بغيـت أبنـي بيـوت الشعـر وانظمـهـارسمـت لعاشـق الأشعـر مـن جزلاتهـا صـوره

واحسـب حـسـاب للمنـقـود وازنـهـا واتممـهـاابـي لا قلتهـا قــدام الفهـيـم تـحـرك شـعـوره

بدايتهـا التحيـه مــن صمـيـم القـلـب اقدمـهـاتحيـة شاعـرٍ يمشـي مــع العـالـم ومنـظـوره

هـــلا يامـرحـبـا يــالابــةٍ تــعــرف قـدايـمـهـاتنومسنا علـى طـول الزمـان ودورة اعصـوره

وانا اطرب من بيوت الشعـر واكلـف وسايمهـاوعطرهـا بريـح المـسـك والريـحـان وزهــوره

وأقدمهـا لا بـو متعـب زعيـم العـرب مقدمهـاوقليل بحقـه اليـا قيـل هـذا الحاكـم اسطـوره

مشـرفـه الـولــي بيتـيـنـه الأثـنـيـن خـادمـهـاتـحـت ظـلـه بـيـوت الله بــأذن الله معـمـوره

هــذا قـايـد دعــاة الـديـن ومـقـوي دعايـمـهـاونفـسٍ تعـتـزي بالـديـن بــأذن الله منـصـوره

هـذا منصـف نفـوسٍ ضايقـات مــن ظلايمـهـاهـذا عـز البلـد والشعـب هـذا درعـه وســوره

هذا رمـز الكـرم والجـود كـل النـاس مكرمهـاهذا اللي مودع نفـوس اليتامـى دوم مسـروره

مـلـيـكٍ يـبـنـي بـيــوت الـمـعــزه مايـهـدمـهـاحكيم بحكمته خلى العصـى ماهيـب مشقـوره

مليـكٍ يشتـري الطـالات ماقـد قـيـل سايمـهـاابليهـي يرتكـي للحمـل لوهـو فــوق مـقـدوره

علوم الطيب ابـو متعـب علـى نفسـه محتمهـاتواضـع للكبيـر وللصغـيـر النـفـس مصـخـوره

ملـيـكٍ يـتـعـب الـعــدوان ويـبــدد مزاعـمـهـاسياسـيٍ بعيـد اشبـوح ولــه فـعـول مخـبـوره

شجـيـعٍ مايـهـاب الـمـوت والـعـدوان يفحمـهـاهـذا الدكتـور يـوم ان الوطـن يحتـاج دكـتـوره

لشعـبـه طــوع الصعـبـه وقـيـدهـا وخطـمـهـاوعسفهـا للضعيـف وقادهـا والكـبـد مجـبـوره

ولـه عضـدٍ قــوي لا مـالـت الحمـلـه يقومـهـاولي عهده طويل الباع فـي رايـه وفـي شـوره

ولو اصخر بيوت الشعر في سلطـان واحكمهـااقول المـدح فـي سلطـان دايـم بيَـن قصـوره

ولــو اشـهـد الحـضـار فــي قـولـي واذمـمـهـاانـا ظنـي تقـول الحـق ماتشـفـق عـلـى زوره

عزيـز النفـس ضراهـا علـى العلـيـا وملزمـهـاظهر شخصيةٍ فيها الخصال الطيـب محصـوره

طـلـع حـلـو الجـنـاب وخـوتـه كــلٍ يعظـمـهـاولـه كـفٍ نـدي مـن شبتـه ماهيـب مقـصـوره

وحكـيـمٍ حجـتـه لاجــات ماخـصـام يخصـمـهـاوقـائـد للـدفـاع ودايــم فـــي راس طـابــوره

وذهيـن ينقـض حبـال المـعـادي يــوم يبرمـهـاهـذا الحلحيـل والحيـال لـلـي يـرسـل سـبـوره

هــذا قـائـد فـهـود ضـاريــه لاحـــام حايـمـهـاتقول الموت اخيـر ولاتعيـش النفـس مقهـوره

ثرى هذا الوطـن طاهـر علـى العايـل محرمهـايـقـول ارواحـنــا وامـوالـنـا لـلــدار مـنــذوره

معـه قــوت دفــاعٍ صـامـده للـقـوم تدحمـهـاولبـيـب للصـديـق وللمـعـادي كـلـه خـطــوره

ونايـف قائـد الـقـوات فــي الـواجـب مولمـهـالمن ينوي العبث في بلادنـا والنفـس مغـروره

قــيــاديٍ بصيربحـكـمـتـه دايــــم مـنـظـمـهـاعيونـه ساهـره والـنـاس بـامـر الله مسـتـوره

وله نفـسٍ ولـي العـرش بالطاعـات مطعمهـاولـه سطـوه تنشـب لقمـة العاصـي بحنجـوره

وحكـيـم لاوقــف للمعـضـلـه لابـــد يحكـمـهـاتجيه مطاوعـه تحبـي علـى الكيعـان مذعـوره

وحشيـم مـن زحازيـح الرجـال اللـي نحشمهـاجذبـه العـود بوصوفـه عليـه البيـض منشـوره

وشجيعٍ سل سيـف الحـق ليـن انقـاد مجرمهـاويـردد ياهـل الارهـاب قــول الــدار مـحـذوره

وفـيٍ فـي الخفايـا يبـذل جهـود ماحـد يعلمـهـايبـي كـل الأمـور لمـن يجـي بحمـاه ميـسـوره

تـرى ال سعـود عزوتنـا ونفخـر فــي تقدمـهـاطحاطيح علـى عـرش الجزيـره دوم ممـروره

وبفـتـح صفـحـة الـتـاريـخ للـعـالـم واعلـمـهـامئة عام مضت شوفوا نتايـج فعـل اخـو نـوره

بعد ساق الركاب مـن الكويـت وجـاء يدرهمهـامزهبهـا الرصـاص وعلـق القربـه علـى كـوره

معرضهـا المهالـك مـع صـغـر سـنـه وينهمـهـاصبر صبرٍ قوي مع قشر هاك الوقت مع جوره

اليـا منـه ســرى ليـلـه نـجـوم اللـيـل نادمـهـااسيـر للضمـا والـجـوع مـيـر اتـحـده ضــروره

يبـي حكـم الجـدود ولا تطـمـع فــي مغانمـهـاويبـي ينقـذ بـلادٍ تحـت حكـم الظلـم مغمـوره

رسـمـلـه خـطــهٍ مـاكــل رجـــالٍ بيرسـمـهـاعلـم وفعولـه اليـا عـدَو الشجعـان مشـهـوره

وليلـة خمـس مـن شـوال كـل النـاس تعلمهـابعـام الـف وثلاثميـه وتسـع وعـشـر مـذكـوره

هجد فـي ليلـة ظلمـا الريـاض وخـاب ظالمهـاوصبحهـا البشيـر بحـكـم ابوتـركـي وبظـهـوره

وخـلاهـا هـنـوفٍ تـذبــح الـعـاشـق بمبسـمـهـاتخطـى فـي ثيـاب الغـي ليلـة بـيَـن احـضـوره

كحيلـة عـيـن ملهـوفـه حـشـى مـحـدٍ بلايمـهـابحـب اللـي نـذر مـن شانهـا روحـه ومذخـوره

تـولاهــا مـعــزي يـــوم رب الـبـيـت سلـمـهـاووحـد لـه قبايـل مـن لـيـال الظـلـم منـثـوره

ورز الـرايــه الـخـضـراء وجمـعـهـا وكـرَمـهــاوقـال كتـاب ربـي حكمـنـا نمـسـي بدسـتـوره

وعـم الأمـن بـاطـراف الـبـلاد الـلـي تسلمـهـاوخلـى الحـر الأشقـر مايهابـه فـرخ عصـفـوره

عسـاه بجنـة الـفـردوس ينـعـم مــن نعايمـهـامـع الأبـرار وعظامـه مــن النـيـران مـاجـوره

وعشنـا فالرخـى والخـيـر يــوم انــه تزعمـهـاوحنا اليـوم نحصـد مـازرع مـن طيـب ابـذوره

تحـت حكمـه شيـوخٍ دوننـا القـومـان تدحمـهـاتولـوهـا حـــرارً صـارمــه و فـهــود ونـمــوره

وصــارت مماكتـنـا فالطليـعـه مــن تقـدمـهـاوحنـا اليـوم انجـدد فـي الـولا شيبـان وبـزوره

وابن شباب تـال القـول ياهـل العـرف يختمهـااختام المسك ذكر الله عـدد مـا رتلـت سـوره

تحياتي


.

.

.

.
بدر غالي

[حمود بن صدغان العصيمي]

صح لسان شاعرها

وسلمت يد ناقلها

تحياتي

[محمد العتيبي]

صح لسان الصوينع ..

وسلمت يداك يالغالي ..
...

التوقيع

للتواصل عبر twitter تويتر al_bargawy@

[عبدالله الجـــذع]

صح لسان شاعرنا القدير
الف شكر على هذه الصيده الرآئعه


محبك

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[بدر غالي الصوينع]

حمود بن صدغان العصيمي





صح بدنك





والله لا يهينك




ومرورك شرف

[فيصل المسعودي]

صح لسان والدك

على هذه القصيدة الوافية

في هذه القبيلة العظيمة

فلقد سمعناها أثناء المزاين

واليوم نقرأها بيننا في المنتدى

شكراً بدر

تحياتي

[بدر غالي الصوينع]

ابو مشعاب





صح بدنك




والله لايهينك





ومرورك شرف

[بدر غالي الصوينع]

اخوي





عبدالله الجذع




مرحبا تراحيب المطر





وصح بدنك




ولا هنت على تفاعلك الطيب

[محمد الذيابـــي]

..

صح لساااااااااااانه..

...

التوقيع

التوقيع محمد الذيابـــي

[عايض جزاء العصيمي]

صح لسان ابو بدر مليون

على هالقصيده الجزله

وبالمناسبه بلغه سلامي وتحياتي

وشكرا لك يابدر على النقل

ولاتبخل علينا بجديده

وتحياتي وتقديري لك وللوالد