تعال ياعبدالله بن جبار.

[معتق السلمي]

سلام ردية وفا تثبت كما صلب الجبال=الساس فوق الارض والعليا ترا من فوقها
من ماف صدري جيت اغنى في ديار اهل الجزال=ماجيت في ديرة رجال ماعرفت احقوقها

[عبدالله جبارالعتيبي]

يامرحبا ترحيبةِتنصاك من روس الرجال=البرق هُو مبد لها والرَعد هوُمنطوقها
تبشر بفالِ يالمغني ياصلك ولاعقال=حنا هل العليا سوات الشقر يوم سبوقها

التوقيع

يالله يامنجي نبيك من الحوت=وعالم بكل الناس واللي وراها تغفرذنوبي كلها قبل ماموت=أنته ملاج الناس ونت الإلاها عبدالله المقاطي

[معتق السلمي]

دام البقا والبيّنه تبقا على طول الليال=لو تدمع عيونك يابن جبار يبقى موقها
الله رازقني ومكملني ولللاه الكمال=مابرفع ايديني لقومن جاهلين اطروقها

آخر تعديل معتق السلمي يوم 17-Sep-2011 في 08:39 PM.

[عبدالله جبارالعتيبي]

الشمس في عال السماء والبدر ماهو بالهلال=وكل البضايع ماتباع الا ترى في سوقها
ماكامل الا الرب سبحانه عليه الإتكال=في غربها وشِمالها وجنوبها وشروقها

آخر تعديل عبدالله جبارالعتيبي يوم 17-Sep-2011 في 08:51 PM.

[معتق السلمي]

الليال طافت غيرها.

[عبدالله جبارالعتيبي]

تم التعديل
والله مادريت الا منك

[معتق السلمي]

في عصرنا الحاضر رجال (ن) يالعتيبي كالضلال=كالشجره اللي بالمطر صارت طوال اعروقها
اللي مضا مامات يبقى حي في وسط المقال=تبقا على طول الليالي مانقول افروقها

[عبدالله جبارالعتيبي]

إن كان تبغى الصدق يارجال مافيها جدال=كلن تغير غار برقا كلها أوروقها
إنته تعكس الأمثله ياصاحبي ماهو عدال=ونته من سليم العريقه لاتقوم تحوقها

[معتق السلمي]

الحبل ياصل وسط هاك البير ثم غيري حبال=حافظ على دنياك ياليلى ويامعشوقها
افهم الجهال والمقصد مع رجال(ن) طوال=وحنا قبايلنا عريضه مار منت بعوقها

[عبدالله جبارالعتيبي]

أنته تعاني نوبةِ فالصدر يقفاها خبال=كل الدلال الصفر منته قدها وتسوقها
لاوالله إلا راح شعر الفتل ياأصحاب الحلال=من يوم جاه اللي عباته كاثرات فتوقها

صح لسانك يامعتق