سلام ردية وفا تثبت كما صلب الجبال=الساس فوق الارض والعليا ترا من فوقها
من ماف صدري جيت اغنى في ديار اهل الجزال=ماجيت في ديرة رجال ماعرفت احقوقها

يامرحبا ترحيبةِتنصاك من روس الرجال=البرق هُو مبد لها والرَعد هوُمنطوقها
تبشر بفالِ يالمغني ياصلك ولاعقال=حنا هل العليا سوات الشقر يوم سبوقها

دام البقا والبيّنه تبقا على طول الليال=لو تدمع عيونك يابن جبار يبقى موقها
الله رازقني ومكملني ولللاه الكمال=مابرفع ايديني لقومن جاهلين اطروقها

الشمس في عال السماء والبدر ماهو بالهلال=وكل البضايع ماتباع الا ترى في سوقها
ماكامل الا الرب سبحانه عليه الإتكال=في غربها وشِمالها وجنوبها وشروقها

في عصرنا الحاضر رجال (ن) يالعتيبي كالضلال=كالشجره اللي بالمطر صارت طوال اعروقها
اللي مضا مامات يبقى حي في وسط المقال=تبقا على طول الليالي مانقول افروقها

إن كان تبغى الصدق يارجال مافيها جدال=كلن تغير غار برقا كلها أوروقها
إنته تعكس الأمثله ياصاحبي ماهو عدال=ونته من سليم العريقه لاتقوم تحوقها

الحبل ياصل وسط هاك البير ثم غيري حبال=حافظ على دنياك ياليلى ويامعشوقها
افهم الجهال والمقصد مع رجال(ن) طوال=وحنا قبايلنا عريضه مار منت بعوقها

أنته تعاني نوبةِ فالصدر يقفاها خبال=كل الدلال الصفر منته قدها وتسوقها
لاوالله إلا راح شعر الفتل ياأصحاب الحلال=من يوم جاه اللي عباته كاثرات فتوقها