اناظرك ياعناد تدبج فالاعلام=واردد ابياتك واقول انطقوها

[عايض النفيعي]

مساكم الله بالخير يالربع ..

اقدم كلهم قصيدتي مجاراه للشاعر عناد الشيباني تتكلم عن الاعلام الفاسد في شهر رمضان ..

هذي كانت قصيده الشاعر الكبير عناد الشيباني في منتديات البجاديه

ياللي لكم سلطة.. على ناس الإعلام=هاذي رسالــة..عاجلـــة نفذوهــــا
صكو قناة السينما زايد.. افلام=واللي على منهاجها..لعنبوه
وافلام نور..وهاني..وعادل إمام=صبو عليها قاز ثمُ.. احرقوها
هذا.. شهر رحمه وغفران وانعام=فيه الشياطين تخمــد..كلبــوها
فرصة عمر ماتنتعوض بالاقيام=ياللي تريدون النجاه اغنموها
حان الوعد..من شان تكفير الآثام=صفحات كتب..المعصيه شققوها
ياحظ..من حظه بـ/هذا الشهر قام=ماتابع افلام(ن) همج..ينتجوها

وهذي كانت قصيدتي مجاراه للشاعر عناد الشيباني ..

البارحه راسي من الهمّ مانام=يفكر بشلّه عرب مادفنوها
اناظرك ياعناد تدبج فالاعلام=وارددَ ابياتك واقول انطقوها
تقول بيتك ثم تعلّى فالاقلام=واضرب مثالك يوم قالو هتوها
هذا شهر رحمه وغفران وانعام=فيه الشياطين تخمد كلبوها
لا والله إلا شهر تلحين الانغام=فيه الشياطين الجديده حيوها
شيطان من نفس الفصيله والاسلام=مدري علومه بالديانه خذوها
يالله دخيلك من تواريخ الاخصام=يبغون ذلّ الدين .. همّ طبخوها
شهر العباده والتقرّب والاحكام=يبغون تخريبه وظنّي ادمروها
جابو مسلسل للعهاره والاعدام=فيه الفوازير القبيحه جبوها
فزورة(ن) تطلع من الشيخ مريام=صارت على نهج الفضيله علوها
يالعنبوها من حقاره يالاعلام=صار المؤنث فالعروبه حلوها
سجل علينا يازماني فالاختام=راحت مراجلنا وقامو رموها
يالله دخيلك من توابيع الاخمام=والمخطيه من عندهم جنبوها
شوفو برامج مثْل مفتي فالاسلام=نبض الكلام وحدّته مابنوها
وصل كلامي يمكن اتعوّد حسام=وصل كلامي للبلا علموها
قلّه ترى ذنبه يزيده فالاعوام=ماينفعه لو ينفعه من بغوها

وسلامتكم ..واسمحو على القصور