بسم الله الرحمن الرحيم
للشاعر الكبير/ رشيد بن زيد الزلامي العتيبي
قالو تعلمت
قالو تعلمت قلت عناد وفراسه ++ اجاهد النفس والدنيا واصارعها
ودرست في مدرسة من شيبت راسه ++ دنيا العنا اللي قصيفات مطامعها
تلميذها دايمٍ يكتب بقرطاسه ++ تعطيه جملة دروس مايضيعها
والله عطانا نظر وشعور حساسه ++ ناخذ علوم المعرفه من مراجعها
ونساير الوقت ونقيسه بمقياسه ++ ونواجه النفس بالواقع ونقنعها
وترى حياة الفتى مهما قوى باسه ++ محفوفةٍ بالخطر والموت تابعها
من مبتدا العمر حتى يلفظ انفاسه ++ يمر في مرحله تكثر زوابعها
اول حياة الفتى تدريب وعساسه ++ مسافةٍ في عجاج العمر يقطعها
وثاني حياة الفتى تعليم ودراسه ++ تصعب ظروف الحياه وينشغل معها
وثالث حياة الفتى يرجع على ساسه ++ النقطه اللي بدا منها يراجعها
ياصل لسن الهرم ويضيع الطاسه ++ يزحف مع الارض ويخطط شوارعها
وليا تلاقت متونه وارتخى راسه ++ ضاعت جميع العلوم اللي يجمعها
« آخـــر الـــمـــشـــاركــــات »
30-Mar-2011, 03:21 AM
للشاعر الكبير/ رشيد بن زيد الزلامي العتيبي
العرض الشجري