تل قلبي على اللي ذاب قلبي فيه ||| منصور الدرين

[منصور الدرين]

السلام عليكم ورحمة الله وبركاته

أخواني أخواتي أعضاء منتدانا الشامخ أسعد الله مساؤكم بالخير والمسرات
هذه قصيدة متواضعه أطرحها بين أيديكم وهي تعبر عن نفسي بما بها
وقد كتبتها بمناسبة لاأحتاج إلى ذكرها هنا لأن القصيدة توضح
أرجو منها وبما بها أن تلامس مشاعركم من شاعركم
ولاأحتاج أن أطيل فالمقام لايستحق الإطاله
وهاهي الحبيبه بين أيديكم وإليكم.

تلّ قلبي على اللي ذاب قلبـي فيـه=ذاب قلبي كما سكّـر يـذوب بمـاه
يـوم جانـي بزينـه ناقـشٍ كفّيـه=قلت سلّـم عليّـه مـدّ لـي يمنـاه
كنّ كفّي علـى كفّـه تبـا تشريـه=والحلا راحتيـه اصخـاف وامحنّـاه
وابتسـم حينهـا والقلـب مايمديـه=ينصرف عنـه ياطيبـه ويامحـلاه
من عيونـه جمالـه كنّهـا تمويـه=تسحر العاقل اللي لـه زمـن ماتـاه
ترفـع العاقـل المسكيـن وتوطيـه=يرتفع مع نظرها فوق ليـن اقصـاه
ون طفت شمعة المحبوب من عينيه=ينـزل بديـرةٍ ماحولهـا منـجـاه
إن تكلّم نسيت الحزن مـن ماضيـه=ون تبسّم جريـح القلـب جـاه دواه
الخـدود الـورود وفيـه مايكفيـه=لوّ أبا اوصّفه ماشفـت لـي حليـاه
ياجمـالٍ يصـدّ الحاسـد ويعميـه=ويل من هو تمارى قدمـه وجـاراه
ألعبـي ياغناتـي وافرحـي خليـه=ينبهر من دلالك صـدق ليـن ألقـاه
من كلامه يضيع يقول أيه وأيه هههه=إملكيني بقلبـك وابشـري برضـاه
غايتـي مافهمتينـي علامـك ليـه؟=كان قصدك غرور الله عليك وآآآآآآه
كيف يرضيك من حزني كذا تاليه!!!=اسكنيني دفا واحسـاس والا آآآآآآه
والله إنـي لامـوت وحبنـا نرثيـه=كان منتـي عشقتينـي ولاعشنـاه
والبنادم ضعيـف أدنـات مايغويـه=لاتلومون عاشق يوم جا مـا جـاه
يالله إنـي طلبتـك قدمنـا ترضيـه=كلّ مامـرّ مـن حولـي ذكـرت الله

وسلامتكم

[الصويت الثبيتي العتيبي]

صح لسانك يا منصور

[هجاد الثبيتي]

الله الله الله


أبداع أبداع أبداع


هذا الشعر ولا فلا شاعر جزل وشامخه تشهد لك


وسلوووب لا يجيده غير منصووور



اكرر اعجابي بالقصيده وننتظر منك الجديد



دمت بووود

[منصور الدرين]

المشاركة الأصلية كتبت بواسطة الصويت الثبيتي العتيبي

صح لسانك يا منصور

صح بدنك يالغالي

تواجدك دائماً مكسب لمتصفحاتي

كل الشكر والتقدير

[منصور الدرين]

المشاركة الأصلية كتبت بواسطة هجاد الثبيتي

الله الله الله


أبداع أبداع أبداع


هذا الشعر ولا فلا شاعر جزل وشامخه تشهد لك


وسلوووب لا يجيده غير منصووور



اكرر اعجابي بالقصيده وننتظر منك الجديد



دمت بووود

يااهلا وغلا ياهجاد

صح بدنك يالغالي

ومتابعتك شرف

كل الشكر

[محمد عويض الثبيتي]

صح لسانك مدد و لاهنت

تقبل مروري

[منصور الدرين]

صح بدنك يامحمد

أسعدني تواجدك

كل الشكر

[مقاطى الغربية]

صح لسانك مدد و لاهنت

وليه غريب على حمران النواظر الشعر وتقبل مرورى

[منصور الدرين]

صح بدنك يالمقاطي

تواجدك أسعدني يالغالي

كل الشكر لك