قصيده قال العتيبي لشاعر عبدالخالق العتيبي

[بارود العتيبي]

هذه قصيده لشاعر(عبدالخالق هلال حامد العتيبي)

اسم القصيده(قال العتيبي)


قال العتيبي رد زين المــثايل
من قلب صافي هب فيه الشوق

ماهو بشوق أهل الهوى والتمني
واللي يقول ان الحشا محروق

شوق الضمير اللي جوابه يسلي
وليا تكلم يحسن النمــــــطوق

مثايل مثل التمر من عذوقه
لن بيع ولا لن شري في السوق

ولاكما عد الذهب عند صيرفي
يعباه للأحدث في الصندوق

ولاكما جني النحل من سواربه
عرف على وضح النقا محقوق

فكرت في الدنيا كفى الله شرها
مايغتني فيها ولامخــــــــلوق

اليا أقبلت تضحك وتصهل وتدرج
وتحول الصلب العسر مسحوق

والجاهل المغرور يلفت لها النظر
وتقول للي تحت يطلع فوق

وليا تقافت نار تسعى وتحرق
ولاتخلى للعرب عمـــــلوق

أسرع من الريشه ومن فية العشي
تبا عليها حظها مصـــــفوق

ياجاهل الدنيا تراها دنيه
في كل يوم تغنى بطــــــاروق

ولها استدارة بين ساعة وساعة
دارت على أحمد والملك فاروق


وأهل اليمن والشام وملوك كسرى
ساقت مناياهم عليهم سوق

حافظ على دينك مع الصدق والكرم
وخلك صريح وخل عندك ذوق

وأحفظ لسانك وأحذر النميمه
ولاتتبع اهل العشق والمعشوق

مايطلق النظرات ويتابع الهوى
ألا الغشيم واحد ممـــــــحوق

واللي تعرفه واللذي لاتعرفه
حذراك لاتظهر عليه زهــــــوق

ولاتنشر الاخبار في غير سوقها
حتى تجي من مصدر مـــوثوق

ولاتشمت اللي شقق الوقت ثوبه
وتنسى الزمان وثوبك المشقوق

وإن كثر مالك جتك بيض المدايح
وكل يقول من الولي مــــرزوق

وليا هرجت الكل يسمع جوابك
والمدح والتقدير بالمــــــــطبوق

وإن قل مالك قالوا أصله فقير
ماله على بعض المعاني طوق

وأصل العسر واليسر قسمه من الله
والرب مايفرض عليه احقـــــوق

يعطي ويمنع لامعارض لحكمته
ولاعلى الله في القضى مسبوق

ومن عز نفسه عند ربعه لقيها
ولاخير في الخدعه ولا في البوق

والوقت ضيق والوصايا كثيره
والناس ياطارد وياملـــــــــــــحوق

واحد يبا ياخذ من العرف مشرب
والثاني أعمى والعقل مطـــفوق

سبحان من قسم وبارك وقنع
ويالله تجعلني من النار مــــعتوق

وصلاة ربي عد وبل المخايل
على النبي الصادق المصــــدوق

آخر تعديل بارود العتيبي يوم 17-Dec-2010 في 10:52 PM.