(بين الآمال والشيّ المحال ) . للتواصل معكم!!

[عبيدالله العرابي]

لاتحاول علـى الشـيّ المحـال=مايقـضّ الحـيـاه الا نـعـي
شاعرك حـد شمسـك للظـلال=حجتـه تفلـج اللـي يـدعـي
إعوجاجـه ليـا سـار إعتـدال=وإعتدالـه وعــي لـلاوعـي
وسمي الشعر وإسمـه لايـزال=فـي كتـاب الأديـب الألمعـي
وإن بدا الواقع أشبـه بالخيـال=غير جـزل القصايـد مادعـي
كل ما اذكرك اشد إلـك الرحـال=كيـف فارقتنـي وآنتـه معـي
ارعد الشوق ياغيـث الوصـال=ولا وصل غير ساخـن مدمعـي
يجرح ارض التوجّد يـوم سـال=واعشب الحرف من تحت اصبعي
صاحبي لجّ فى الخافـق سـؤال=بين خنجـرك وآهـات وجعـي
إحتمال التقـي بـك وإحتمـال=احظن الموت والقـى مصرعـي
ودي أزرع من السلـوى جبـال=لو . دبا . الهم يرعاهـا رعـي
بين الآمـال والشـيّ المحـال=يمكـن القـاك بالصدفـه معـي