جديد "حبيب ومستور" والمعنى خبر اعتزال مستور للمحاورة

[ابن المحايا]

أقدم لكم محاورة جمعت العمالقة


(مستور العصيمي)&&& (حبيب العازمي)


في يوم 18/6/1431هـــ


وكان يدور المعنى عن خبر اعتزال مستور العصيمي الذي نزل في صحيفة عكاظ يوم 10/6/1431هـــ





حبيب

سلام الله سلامً في علوه يقدح البراق *** وتحته يرعد الرعاد واطرافه يزلزلها

علامك يالعصيمي ناسفً بشتك على المعلاق *** ولك عين تصدبها ولك عين تكحلها


مستور

هلا من هاجس اللي مايخون العهد والميثاق*** ارحبك واهلي واخذ علومك من اولها

انا في خاطري علمً جديد وفوق خمس اوراق *** تقصرها نقصرها تطولها نطولها


حبيب

انا ماني مسلم لحيتي للموس والحلاق *** ابى اثنيها واثنّيها وابى اعقلها واعقّلها

على قدر النوايا والحظوظ تقسم الارزاق *** لكن اوراقك اللي جبتها حاول تبدلها


مستور

توكلنا على الله ياحبيب والله الخلاق *** ليا كان السحابة ماتنوشك لاتخيلها

فجوج الله وساع لأمته ومدور الاوفاق *** وانا خابرك ماتـترك ضنونك لين تاكلها


حبيب

بروق الصيف تبرق لين حتى يبدي الاشراق *** ولكن الديار اللي تجيها ماتسيلها

يبى يبقى الكويت كويت دايم والعراق عراق *** تلحف بالعباه اللي قبل مده مفصلها


مستور

عليك رواق من كل الجواهي ماعلي رواق *** وهاذيك تحرمها وهاذيه تحللها

تبى تنشد كبار السن ولامعشر العشاق *** وكلمة قلتها يالعازمي مانيب قايلها


حبيب

انا في الشمس والفيه ولا اجذبها بحبل دقاق *** سلامة يالرجال اللي تظلل مع مراجلها

ابى انشد من كبار سليم وانشد من ذوي زراق *** وابى انشد من هذيل اثنين والبيبان اقفلها


مستور

تبيع وتشتري في البر ولاداخل الاسواق *** ترى ما للقبيلة غير رجالً يمثلها

سفينتكم على موج البحر راحت بلا سواق *** بغينا نعدل العوجا عجزنا لا نعدلها


حبيب

علاك الهون يامستور باقً لك ثلاث فلاق *** وحط يديك وسط الدم لين يروب واغسلها

سفينتا رست وسط البحر يوم البحر صفاق *** وحنا عزوة البارود لن شبت فتايلها


مستور

انا راسي على الصكات ضاري ياسخيف الساق *** ولكن العوازم يامخارج من مهبلها

حبيب لاتحملك بحملً فـــوق ماتــطـــاق *** يدينك في جيوبي ياحبيب لاتدخلها


حبيب

تقول انك عدو القوم وانته تاخد المطراق *** ياجار الحضر بعد العصر ترضع من عدايلها

من اللي راح للساحل وضوا له ثلاث نياق *** عسى قومً تحزمبه ليا صاحت يفشلها


مستور

ليا يبست غصون العود الاخضر حتت الاوراق *** ومن يجمع قلوب الناس عاقلها وجاهلها


أتمنى ان تنال على اعجابكم

[ܓܨ عبدالله البرقاويܓܨ]

نالت على الاعجاب وزياده
الف شكر استمتعت بقراءتها
محاوره راائعه تجمع شاعرين لهم ثقلهم في الساحه

[ابو فايح]

بصراحه العود مجرم كبير فالميدان وخصوصا اذا قابل شاعر كبير


صح لسان ابو فيصل ولسان ابو تركي


لقاء قمه ورائع

ابن المحايا هل هو لقاء جده او مكه



لاهنت وبيض الله وجهك على النقل

التوقيع

عالم تويتر abofayeh@

[بـن عـــاصم]

تبيع وتشتري في البر ولاداخل الاسواق *** ترى ما للقبيلة غير رجالً يمثلها

انا أشهد انك خير من يمثلها يابو تركي والله يطول بعمرك

ولايهون ابو فيصل وباقي شعراء عتيبة

وكل الشكر لك ياابن المحايا على هالنقل المميز بارك الله فيك

[فهد علي العازمي]

سفينتا رست وسط البحر يوم البحر صفاق *** وحنا عزوة البارود لن شبت فتايلها



سلمت يدااااااااااااااك

وصحت السنتهم

[مشهور الحربي]

عز الله انهم عمالقه ويمثل كل واحد منهما مدرسه شعريه
قالها أكثر نجوم المحاوره فماذا عسى أن نقول ولكن نقول بيض الله وجهك يابن المحيا على النقل الموفق والاكثر من رائع

[& محمد خالد القحطاني &]

مشكور يابن المحايا على النقل المميز الذي جمع عمالقة الشعر


واعتقد ايضا ان المحاورة التي جمعت صقر سليم ومستور في نفس الحفلة كانت


كانت تدور حول هذا المعنى


وشكراا

[العتيبي أبو تركي]

على قول أبو فايح مستور مجرم لا قابل شاعر كبير ..
و الفرق بيّن بين هذا القاف والقاف اللي بدعه صقر بعدها
رغم أن المعنى واحد ..
و الملعبه ذي كانت في جده .. ياللي تنشد عن مكانها ..
و لا هنت يا أبن المحايا ..
و اللي عنده علوم حفلة الأحساء يعلمنا عنها ..

[علي الشهراني]

بيض الله وجهك



و مشكووووور

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[يوسف العازمي]

بيض الله وجههك ولاهنت