الخط الاحمر لاتعداه عانه

[بخيت السعد]

اعضاء منتدى الهيلا
السلام عليكم ورحمة الله
هذه مشاركه متواضعه ارجو ان تلقى القبول من الجميع

إليا تعدى المزح حد الميانه =معاد يحسب مزح ماهوب مقبول
إمن البراه يقربك للادانه=اما بجرم الفعل والا من القول
ولاحدن من الزلات عنده حصانه= الا البشير الي لنا خير مرسول
لابوك كلمه من وراها الاهانه= تنبي عن القايل سفيهن ومهبول
اللي على متنه معلق إلسانه=وسيفه مع الباطل مسلط ومسلول
قال المثل كلن لسانه حصانه=وكلن على قوله محاسب ومأسول
والكلمه الي مالها ايات خانه=بيني وبينك مالها ايات مدلول
لي شان غير وكل واحد وشانه=وبابٍ يجيب الريح مغلق ومقفول
الخط الاحمر لاتعداه عانه= ومن دون حده قول ما تشتهي قول
من دون حده كلبوها ضمانه=ناخذ ونعطي فيه في كل معقول
ناخذ ونعطي في وضوح وبيانه= ومن يتبع المجهول مسراه مجهول
ياهيه كلن له مقام ومكانه=على الكلام الشين منته بمحمول
راع المثل قد قال قول بزمانه=وجه عبوس وجه يضحك وبهلول