هذه ثلاث نصائح للشاعر / حبيب العازمي العتيبي

[ابومشعل العازمي]

ثلاث نصائح شعريه

--------------------------------------------------------------------------------


هذه ثلاث نصائح للشاعر / حبيب العازمي العتيبي
كل نصيحة تتكون من أربعة أبيات
وهي عن الصح والخطأ ،،، والكلام الزائد في المجلس ،،، والرفيق والقريب
يقول حبيب العازمي /

النصيحه الأولى : الصح والخطاء
لولا الخطا محدن عرف قيمة الصح***ولولا الصحيح يصح جات الفضايح
شي طبيعي يـوم نـنـصح ونـنـْصح***النـاس كـانـو يـشـتـرون الـنـصـايح
ياجاهلٍ في الوقت تـسـرح وتـمرح***تــرى الـحـيـاه لــهــا نـظـام ولـوايح
وأن كان ماتبغى كـلامـي هذا رح***واشـره عـلى اللي قال وين أنت رايح
ــــــــــــــــــــ ــــــــــــــــــــ ــــــــــــــــــــ ــــــــــــــــــــ ــــــــــــــــــــ
النصيحه الثانية : الكلام الزائد في المجالس
ياهل الـهـروج الـعـرج لو تمشي العرج***خـطـوه وراء عـن خـطـوةً للأمامي
الصمت في بعض المجالس عن الهرج***يسوى مائة كلمه من أغلا الكلامي
ولـو كـل تـاجر في البـشر يفتح الدرج***مـا صـار لـلـتـجـار غـيـر الاســامي
وراع الـحـصـان اللي يعنّه بـلا سرج*** لـو يـشـعـل الـنـيـران بـرد وسلامي
ــــــــــــــــــــ ــــــــــــــــــــ ــــــــــــــــــــ ــــــــــــــــــــ ــــــــــــــــــــ
النصيحة الثالثة : الرفيق والقريب
مهما يجيك من الخطأ من رفـيـقك***حـاول تـغـاضـى والـخــطـأ لا يـجـي مـنـك
ترى رفيقك لـو وقـف فيطـريـقك***مثل الرصيد أن (قل) وأن (زاد) في البنك
واعرف عدوك قبل تعرف صديقك***ومــن لا يحـس بـضـيـقـتـك مـادرى عنك
ولا تأيد المخطي لو أنه شـقـيـقـك***وش عذرك مناللي على ايسرك وايمنك

[ولدعساف]

صح لسان قايلها وناقلها

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[ابومشعل العازمي]

صح بدنكــ وتقبل تحياااااااااااااااااتي

[الباااسل]

ذهب مصبوب لله در ابو فيصل




لاهنت يابومشعل

[عبود سليم]

كلام يالحصان بيض الله وجهك

[ابومشعل العازمي]

لاهنتوا جميعا ودوم التوفيق

[خلف الروقي]

لله درك يابوفيصل

جمعت الشعر

والحكمة


صح لساااااااااان ابو فيصل






لاهنت ابو مشعل

[ابومشعل العازمي]

لا هنت ياخلف

[ܓܨ عبدالله البرقاويܓܨ]

إبو مشعل مشكووور على النقل وصح لسان المبدع حبيب العازمي
تقبل مروري

[ابومشعل العازمي]

لا هنت ولد النير