قانون غاب

[الخــيـــــال]

قانــوننـا قانــون غـاب ويالله الـطــف ياكـــريم

من غيمة جـارت علينــا وامطـرت باحــزانــها

صبت مطرها واختفت واقـفـت مــع هبة نسيم

ثم سلهـــمت بعيونــها ثم رفــرفت جنحـانـــهـا

تلت حشا المغبون تلة وانزعـــت عرق الصميم

يوم اعلنت وقت الرحـيـــل وودعــت ميـــدانها

اوصافها لـغـزٍ سـرد من هامش القلب الهــشيم

يوصــل مداه اقصى البحور وينقرض مـرجانها

لوصافــها ماتنــوصف لو صفو صفوف الحريم

ثم زبرقـــوهـم بالــذهــــب ماجـو مـع فســتانها

جنت من اقدار الزمن لحظات باشواق وجحيـم

ثم جاتها القدرة وهي توفي معي باشـجـانـــها

ناديتها صوتٍ صداه يـجـــاوب الفـج الـعـظـيــم

اثر الفلا جــــفـــت وروده واذبـلـت ســيـقانـــها

ياموت ماخليتها تسمع صـــدى صــــوت الهزيم

الراعد اللي عقبـــهــا يرعــــــد على قيعـانـــها

فيض الغلا اللي كان نور اصبح على الدنيا عتيم

والـــديرة امســـــت ساكنه يوم انزحوا سكانها

هذي مواري قصةٍ يرعـــد لــها صوت الهزيم

قصة عواطــــف بــاردة متـــهـــدمٍ بنــــيانــها

دام ان لها قانون غــــاب ومدهله جرحٍ الــيم

فيا الله ترحــــم حــالها بنتٍ وفــت لأيمانــــها




منقوووووووول