يامرحبا ترحيبة الطش والرش

[ولد الهيلاء النفيعي]

بسم الله الرحمن الرحيم
السلام عليكم ورحمة الله وبركاته
قصيده لشاعر غازي بن دغيم غزليه رائعه
يقول فيها
يا مرحبا ترحيبـة الطـش والـرش
يا ام العيون اللي هدبهـن مراييـش
يا مرحبا ترحيبـةٍ مـا بهـا غـش
احلى من المـا للكبـود المعاطيـش
ترحيبة الولهان مـن خاطـرٍ هـش
في شوفتك عقب النيـا والمطاريـش
يا من لمفجوع الهوا الميـت ينعـش
قربك وبعدك موت ما فيـه تفتيـش
ارحـم محـبٍ فـي غرامـك تبلـش
شاف العيون وشاف شقر العكاريـش
شاف الجمال اللي مع الناس يدهـش
يسب العقول ومن بعيـد المناويـش
ادعج غنج منـه االمعاليـق تنحـش
ليـا تبسـم بالثمـان المباهـيـش
والخد بـراقٍ سـرى الليـل يرهـش
جنح الدجا بين النصوب الرواهيـش
الموت في نظرة عيونه ليـا ارمـش
لولا الرجا فيهن فـلا ظنـي اعيـش
عين اشقرٍ للخرب مـا يبعـد النـش
يهوي عليه وظربتـه تنثـر الريـش
يا زين ما مثلك يبي لبـس رش رش
ان كان قصدك زين لا عـاد تبغيـش
الله عطـاك وكملـك يـا لموحـش
يا ريم ياللـي مرتعـك فالنشانيـش
عليك وجدي وجد من نطـل القـش
هجت ذلوله يوم طشوا هـل الجيـش
والطرش هج من المغيـره مخـرش
وصاح الصياح وقيل يا اهل القناطيش
وركبوا مرويت السيـوف المعطـش
ولحقوا على قب المهـار المداغيـش
وخلي وربعه ما دروا وينهـو طـش
افخت ونـاروا مبعديـن المغابيـش
وحالوا عليه اللي فشقهـم محتـش
كل ابلـجٍ ينـس براسـه نغاميـش
عليـك يـاراع الخظـاب المنقـرش
يا منوتي من لابسـات الرشاريـش
لا وا هني اللـي علـى بيتكـم دش
غصبٍ على نـاس تـرز الشوابيـش
مبيـنٍ حبـك ولانــي بمنـخـش
وامشي بغي اهل القلوب المشاويـش
كني غليـث طـاح بالنـاب ينهـش
واللي يلوم مولع القلب حتـى ايـش
ماهمنـي منقـود نـاسٍ مـرطـش
اللي يـدورون الـردى والتفاتيـش
وصلوا على اللي بالرساله مطـرش
على النبي الهاشمي صفـوة قريـش

[عبدالله هادي ناشي الفليت.]

مشكووور يالنفيعي..!!

وصح لسااااان الشاااااعر غازي بن دغيم..!!

[ولد الهيلاء النفيعي]

العفو ياولد العم
وصح بدنك وبيض الله وجهك على المرور

[ابن صنهوت]

الله صح لسان غازي ولاهنت

[ولد الهيلاء النفيعي]

ابن صنهوت صح بدنك ولاهنت على المرور