ثلاث بنات في ونيت!!!! وش العلم يارياجيل؟؟!!

السلام عليكم


وبعد السلام يحلى الكلام



هذه المشاركة الأولى لعلها تعجبكم



[poet font="Simplified Arabic,5,black,normal,normal" bkcolor="white" bkimage="backgrounds/11.gif" border="none,4,gray" type=2 line=200% align=center use=ex length=0 char="" num="0,black" filter=""]
ليلة ثلاثين فاخر شهر شعباني=لي قصةٍ ودي أشرحها من أولها

نزلت للسوق مستعجل وطفشاني=معي عمامة وابا الغسال يغسلها

وأروحت لي ريح مسك وريح ريحاني=طالعت مانيب داري وين حاملها

وليا هذاك الونيت اللي تعداني=وبجنب سيارتي دقت فراملها

سواقها ورع شكل الورع زعلاني=أما مزعلته أمه أو مزعلها

معه ثلاثٍ سوى والورع وحداني=الكل منهن تدور من يغازلها

اللي توالي لدت لي بالاعياني=وأدلت على اللي تواليها تسايلها

قالت بأمانة هذا وصل العطياني=ردت عليها ولا أسمع وش تقول إلها

قلت إيه أنا وصل رجلٍ عالي الشاني=اخذ علو السوالف وأترك أسفلها

وأحسب لكلمة فلان وصلح فلاني=بيبان سوى فعل عني مقفلها

والرجل يطلع طلوع الذيب سرحاني=محدٍ يقض الذيابة من منازلها

لكن ياورع حرك لا تبلاني=والله لن ما مشيت إنك لتاكلها

وش أنت حتى تقف لطوال الأيماني=إعرف ترى من يدورها يحصلها


[/poet]



وسلامتكم