ياللي تحل القيد حـاول تفكـه=ازريت احل القيد يومه عصاني
من حب خلٍ ساكنٍ دون مكـه=ودع دموعي فوق خدي ثماني
قطع معاليق الحشى يوم دكـه=بعيونه النجلا وحـد اليمانـي
دونت حبه وسط قلبي بصكـه=مير الغضي وده يعسر المحاني
صدقت في حبه على غير شكه=واثره يدور فالهوا ما حدانـي
ابك الدروب طوال والعمر سكه=والسكه العوجى تجيب الهواني
اقسم برب البيت ما منك فكـه=بس ابتعد ارجوك قربك كوانـي
قلبي يلك وصابته منـك لكـه=والموت شفته يومه اليوم جاني
قال المثل اضفرك تعرف محكه=وانا عرفت اللي بطبعه انانـي
وياللي تحل القيد تقـدر تفكـه=واحذر تقول اليوم قيده قوانـي
وسلامتكم
« آخـــر الـــمـــشـــاركــــات »
09-Jan-2009, 01:41 AM
السكه العوجى .... سعد المقاطي
العرض الشجري