الشاعر / حجب العصيمي

[محمد العتيبي]

بسم الله الرحمن الرحيم



هذه قصيده رائعه مختاره للشاعر المبدع / حجب العصيمي ..

أتمنى أن تنال إعجابكم ..

كم بقى لي من الأيام كم ليل راح =مثل مر السحابه عمرنا والسنين
أمس نلعب مع الأطفال ضحك ومزاح =نجتمع ونتفرق صدق حب وحنين
لغربت شمس عدنا للعشاء والمراح =ولاصبح الصبح شفنا ماء وعشبٍ وطين
كانت أيام حلوه بالفرح والسماح =والكرم والبساطه والعرب عايشين
والوفاء والشهامه بيننا والنصاح =وعزة النفس والطيبه وتلقى العوين
والقصيده وقصه والليالي الملاح =وعود أزرق ودله ومجلس الغانمين
والهجن والفروسيه ورمي السلاح =زينها من رياضة عادة الأولين
والنخل والشجر والرعد والبرق لاح =ثم هلت مزون الغيث وقت وحين
الله أكبر زمان ٍ فات فيه الفلاح =والسعد والوعد والطيب يالله تعين
ذكريات من الماضي تقلد وشاح =وتستحق الرياده لو تمر السنين
يا عسى أيامنا دايم بخير وصلاح =يا مجيب الدعا اجعلنا من أهل اليمين

التوقيع

للتواصل عبر twitter تويتر al_bargawy@