قال الذي ماكـل طـرقٍ يشوقـه.ماشاقـه الا غاليـات الطواريـق

[رشيدالهديرس]

قال الذي ماكـل طـرقٍ يشوقـه=ماشاقـه الا غاليـات الطواريـق
ياهاجسي والصبح بأول شروقـه=الليل خله للطـرب والعشاشيـق
الطيـر طـار وفارقنـه سبوقـه=وهموم قلبي في ضميـري مسابيـق
اصبر واقول الوقت هذي فروقـه=واسابق الايام والسـاق ماسيـق
وكلت باللي ماش عـلام فوقـه=الخالـق العـلاّم بأمـر المخاليـق
جرح الزمن عيّـت تلايـم فتوقـه=سقمه تجـدد وارتكـز فالمعاليـق
ماعاد لي حيلة وشرهـه وطوقـه=غيـر التسلـي والعبايـر مخانيـق
مايفرح الخاطر وينعـش خفوقـه=الا علوم الطيب في ساعة الضيـق
اللي مشى بالطيب ماحـدٍ يعوقـه=واللي يحوق المرجله حاق ماحيـق
كسب المراجل والهـروج اللبوقـه=والمدح والنوماس طبـع المطاليـق
شروى عتيبة والذهب وسط سوقه=عند الرجـال مفرقيـن الملاحيـق
يامرحبا ترحيـب غالـي واسوقـه=ينشر على الضيفان جمله وتفريـق
مثل الخيال اللـي تلاطـم بروقـه=ترحيب تفتح له صـدورٍ مغاليـق
جيتوا وجينا فالوعـود الصدوقـه=والله يحييكـم عـداد الزمالـيـق
على الشبب والبن الاشقر وذوقـه=لارهى من حلوق الدلال المدانيـق
من بينـا سلـمٍ تطابـق وفوقـه=على النقا المجـرود مافيـه تلفيـق
اسـمٍ نشيلـه ونتغـذى غبوقـه=اسمٍ شهر مثل الجبـال الشواهيـق
سموى الذيابي والاسم لـه حقوقـه=بالعز نرقابه علـى المجـد ونويـق
اسـمٍ عزيـز بهيبتـه مايعـوقـه=جور السنيـن وناقليـن التلافيـق
يا آلاد روق العهد مااحـدٍ يبوقـه=مادام تربطنـا عهـود ومواثيـق
انتم لنا لارخى المنيمـس شعوقـه=وحنا لكم لامسوا عليه التفافيـق
نارد على الموت الحمـر مانذوقـه=حماية الماقف علـى يبسـة الريـق
نثبت لو ان الموت ضميا حلوقـه=ونرسي على القمة كما يرسي طويق
بالعز والعـرف الاصيلـه وثوقـه=بحرٍ عيونـه فـي بطونـه مغاريـق
لاشك انا شفقٍ ونفسـي شفوقـه=على المراجـل والمراجـل توافيـق
الرجل سابـق والنشامـا سبوقـه=على العلـوم الغانمـه بالتسابيـق
ولايلتفت صوب الوجيه الزهوقـه=من شان مايحسب حساب المطافيق
الرجل من فعله وفكـره يسوقـه=لاقامت الدنيا تصافـق تصافيـق
زرع الوفا يثمـر وتحيـى عروقـه=وزرع الردى تبقى غصونه مداريق
يقوله اللـي يـوم غنـى طروقـه=ماشاقـه الا غاليـات الطواريـق

الشاعر بشير الذيابي الحارثي

[أخو جوزا]

صح لسان بشير ونعم بالحرث


سلمت يا رشيد

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[حاكم الغنامي]

الله الله


صح لسان الشاعر


قصيده جززله بكل امانه


لاهنت اخوي رشيد

التوقيع

سبحــــان الله وبحمدهـ hakem81@live.com

[سيف عنزه]

صح لسان شاعرها

ولاهنت اخوي

[بدر محمد الاسعدي]

صح لسانك ولسان الشاعر

[أبونواف]

صح لسان بشير

سلمت يا رشيد على نقل القصيده الجزله ..

[@عبدالله الأسعدي@]

< صـــح لــســان الــشاعــر >


{بشيــر الحــارثــي}







وبيـــض اللــه وجــهه عــلــى هــذه القصيدة الــرائــعه







أشــكــرك أخــوي عــلــى الــنقــل الــرائــع.......................

[مشاري الحبردي]

لاهنت يارشيد