ردالاابن دباس عندماوصلة له قصيدة ابوه

[ابوفادي]

ردادباس على قصيدة ابوه

حي الجواب الى لفانا من الراس=جابه غلام ما توانا مسيره
اهلا عدد ما حبك قرطاس=وما كتب فوقه بيوت شطيره
جواب منهو لى مود من الناس=ابوى ما يوصف حلى لغيره
فرز الوغى كنه على الوكر قرناس=وقروم ربعه كلها تستشيره
دليل عيرات ايلي هب نسناس=ثم اولهو للجو مابه ذخيره
فهى الغنم لاهل الركايب والجراس=الى رجو بيته فلاعليهم قصيره
راعي معاميل بها العبد جلاس=البن يشر بها سنين عسيره
هاذي يوركها و الاخرىبمحماس=وهاذي يصيبه للوجيه السفيره
وخلاف ذا ياراكب فوق عرماس=ما مونت من نقوة الهجن عيره
حمرا وهي فى سنها وقم الاسداس=متوسط لافاطر ولا هى iiصغيره
ماهي خلوجاً راكبه بالعصاء قاس=حرم عليها غير شيل النجيره
والخرج هو وبيوه قيل بقرطاس=مع مذهب ليام ماهي كثيره
وفوقه غلام منوته قطع الارماس=لو هو بالليل ماتغيرنظيره
ويلي لفيت الدر فجهر بلاحساس=وبلغ سلامي كل ذيك العشيره
وختص ابوي الى نفل جملة الناس=وخصه بعلم وقل تراني بشيره
لايانقى العرض لا يابو ادباس=كانك تشكي الضيم فانااسيره
وان سالك عني تراني بنوماس=ونا حمد الى ما توسلت غيره
الحمد لو يشرى شريناه بكياس=باموالنا نرخص ندور الستيره
مطرق فنرجى مصاويبه الراس=ومصلبخ جبته عسانى ذخيره
من صنع نصراني يشرب الكاس=يذكر وراء جاوه بعيد مسيره
ابغيه للي حادينك على الساس=اهل النمايم الحكايا الكثيره
ربع نوو فيك الردا والتخساس=مهبول ياللي قال غايب عشيره
على دين لوده الجميع بينحاس=لين العشيرا يقوم يلعن عشيره
يابوي انا ما رحت ادور كيفت الراس=مع ذا ولاني فى سفاه وغيره
اما سكنا الدار من غير هوجاس=ولا نعاف الدار وندورغيره
كله لعين كلمة قلت يادباس=تشكي ونا دوني بحور غريزه
هذا لك يمين الشرع قطاع الانفاس=انه فلا جاني علوم بمصيره
لانب جاني ولا حبر بقرطاس=ايضا ولا جتني علوم سفيره
ان كان تشكي الضيم يابوي لاباس=جاك الفرج يابوي هو البريره
ولا فانا يا بوي قطاع لرماس=اصبر على الشده ولو هي عسيره
يامسندي يابوي شوف اوكد الناس=ثم أنشده قل ويش هو فى مسيره
ان كان ما يفرح صديقك بنوماس=تحرم علينا الى نهوده صغيره
مدلول مجهول زهاتني الالباس=بنت الذي يثني وجيه المغيره
طار يقول اظهر وطار بجلاس=قمت اشرب التنباك وثره معيره
وابغى عسى الله يبرد القلب ياناس=من لاهب شبت بقلبي سعيره
ومن كان له غايب فلا يقطع الياس=ان قدر الله جاب علمه وبشيره