ســلام ياشيــخاً على سمعتـه جيت .. من بد شـيخان القبايل نصيتـه

[الموسوعه]

قصيده
للشاعر الكبيـر / عبدالله بن زويبن الحربي

في الأميـر بدر بن نايف الضـيــط (( صقر الهيـلا ))


بسم الكريم مكون الكون سميت..
اللي من التعذيب عفوه رجيته.

.مشفي المريض إللي يجر التناهيت...
ومحيي العظام الباليات الرميته..

.أنا الياكثرت طواري غنيت...
واليا عصاني شطر بيتآ عصيته..
.
افتته لو ماقطعه صلب تفتيت...
واليابغى ينعاج قطره قديته..

.وأخترت لي دربن مناسب ودنيت.
الي يوصلني وأنا مامضيته.

وقمت أتفقد مستوا ماه والزيت..
.وجودة كفاراته وشمعات ليته..

.ونوشت مفتاحه سوسته ودقيت .
..سلفه ورحت بدربي اللي نويته...

ولا استنجد إلا بالرجال العناتيت...
ودربن يروح لغيرهم مامشيته...

سلام ياشيخآ على سمعته جيت...
من بد شيخان القبايل نصيته..

.جنيت عن هذا وعن ذاك صديت..
.نصيت بدر الضيط من طيب صيته..

.مشيت مامعيه دليله ودليت..
.أمشي على وصف العرب لين جيته

...كلن يعرفه مثل ماينعرف هيت ..
.اللي الياجيته صميلك رويته..

.مافيهم إللي قال بالضيط ماوحيت...
كلن يعرف الضيط ويدل بيته.
.
.بيتآ يقال لكل من جاه حييت...
مير إن لقيت الضيط وان مالقيته..
.
مثبتن ساسه على المجد تثبيت...
شيخآ وراه شيوخ ماهو نبيته...

هم مركز الشيخه وهم واسط البيت...
وحضوضهم يوم الملاقى بخيته...

شيخان فرسان رماتن زوانيت...
ضرباتهم يوم الحرايب أميته..

.من ضربهم عمهوج له بالوغى صيت ..
.كم فارسن خلاه يجذب نهيته...

بيدين فارس شتت الجمع تشتيت...
على طلال بواقعن مافتريته...

يابدر عنك من الرجال استشفيت ..
.إنك الياقمت بلزومن قضيته...

عبدالمعين إللي مخلد وهو ميت..
.أثنى عليك بمدك اللي عطيته...

مدتك ماهي رد شرهه وتسكيت...
الي نويت تكيل صاعن مليته...

واليابذلت الجاه كفيت ووفيت..
.وجهك طويل وتدرك إللي بغيته


منقووووووووووووول