(راعي الأجرب) والاجرب هوسيفه

[صبي عتيبه]

تركي بن عبدالله آل سعود

(راعي الأجرب) والاجرب هوسيفه

طـارالكرى عن موق عيني وفرّا *** وقزيت من نومي طرالي طواري

وابديت من جاش الحشا ماتدرّا *** واسهرت من حولي بكثر الهذاري

خـط ٍ لـفاني زاد قلبي بحرّا *** من شاكي ٍ ضيم النـيا والعـزاري

سـر ياقلم وإكتب على ماتـورّا *** أزكي سلام لإبـن عـمي مشاري

شيّخ ٍعلى درب الشجاعة مضرّا *** من لابـة ٍ يوم الملاقـا ضواري

ياما سهـرنا حـاكم ٍ ما يطرّا *** واليـوم دنيـاً ضاع فيها افتكاري

أشكي لمن يبكي له الجودطرّا *** ضـرّاب هامـات العـدا مـايداري

يـاحيف ياخطوالشجاع المضرّا *** في مصر مملوكٍ لحمر العتاري

من الزاد غادٍ له سنامٍ وصرّا *** من الذل شبعان ٍمن العـزعـاري

وش عـاد لوتلبس حريرٍ يجرّا *** ومـتوّج ٍ تاج الذهـب بالـزراري

فـ دنياك يابن العم هذي مغرّا *** ولاخير في دنيـا تـورّي العزاري

تسقـيك حلو ٍثم تسـقيك مرّا *** ولـذ اتـها بين البـرايا عـواري

إكفـخ بجنحان السعد لاتدرّا *** فـا لعمر ما ياقـاه كثر المـداري

مـافي يدالمخلوق نفع ٍوضرّا *** مـا قدر الباري على العبد جاري

وإسلم وسلم لي على من تورّا *** وأذكر لهم حالي وماكان جـاري

إن سـايلوا عني فحالي تسرّا *** قـبقـب شراع العز لو كـنت داري

يوم إن كل ٍ من خويه تبـرّا *** حطيت (الأجـرب) لي عميل ٍ مباري

نعم الرفيق إلى سطا ثم جرّا *** يـودع مناعـير النـشامى حـباري

رميت عني برقع الذل بـرّا *** ولاخـير في من لايدوس المحـاري

يبقى الفخر وأنا بقبري معرّا *** وأفـعال تـركي مثل شمس النهاري

أحصنت نجدعقب ماهي تطرّا ***مصيونة ٍ عن حر لفـح الضـواري

ونزلتها غصبٍ بخير ٍوشّـرا *** وجمعت شـمل ٍ بالقـرايا و قـاري

والشرع فيهاقدمشىواستمرّا *** ويقـرا بنا درس الضحى كل قـاري

زال الهوى والغيّ عنها وفرّا *** ويقضي بها القاضي بليـا مصاري

وإن سلت عمن قال لي لاتزرّا *** نجـد ٍ غدت باب ٍ بـليـا سواري

ومن آمن الجاني كفى ماتحرّا *** وتـازي حريمة بالقـرايا وقـا ري

واجهدت في طلب العلالين قرّا *** وطاب الكرى مع لابسات الخزاري

من غاص غبات البحرجاب درّا *** ويحمد مصابيح السرى كل ساري

وأنا احمد اللي جاب لي ماتحرّا *** واذهب غبـار الذل عني وطـاري

والعمـر مايزداد مثـقال ذرّا *** عـمر الفتى والرزق في كف باري

وصلاه ربي عـد ماخط بالرّا *** على النبـي ماطاف بالبـيت عاري

[ابن عاصم]

تسلم يمينك


علي الانتقاء الجميل


لاخلا ولا عدم ياصبي عتابه من ذوقك واختيارك الجميل

[داهية عتيبة]

تسلم على نقلك الرائع


ولاكن بودي أن أسأل؟؟؟

يـاحيف ياخطوالشجاع المضرّا *** في مصر مملوكٍ لحمر العتاري

ماهي حمر العتاري
أجيبوني جزاكم اللع خير لأني أبحث ولم اجد من فترة طويلة
تكفون ياعيال عمي

[ابو وعيل]

تسلم على نقلك الجميل ...

ومااقصررررت ..

تحياتي

[الدحدوح]

بن العم فيما يبدو ان حمر العتاري هن المغاتير من البشر وليس الابل والله اعلم

وافهمها تحياتي

[سيف عنزه]

الله يعطيك العافيه على النقل الراائع
ماقصرت يا الغالي
ننتظر جديدك

[أبونواف]

الله يعطيك العافيه على النقل الراائع

[البريماني]

كفو على النقل ياصبي عتابه والله يعطيك العافيه