هذه القصيده القاها الشاعر في حفل بمناسبة زيارة الشيخ تركي ابن عمر ابن ربيعان الذي كان في ضيافة الشيخ ابن طواله
ذكرت الله المعبود جل اله الناس = سبحان من اسماء صفاته انقدسها
وبعد ذكر رب الكون كتبت بالكراس = معانن عبر واردها راي ريسها
على وقت ماجبوه نسوقه سوات الماس = ونفك عنه باب(ن) قبل كان حابسها
ورسمنا فرايدها على ناصع القرطاس = وخذنا جلال الشارده من مغالسها
وبديته بترحيب عدد ذرة الاطعاس = وعدد ماتهب النود نسمة نسانسها
اقوله نيابه منطقي عن عريب الساس = عن ابن طواله وبسم شمر نكرسها
دامه قدام ابن جليل قوي الباس = فانا اهل لها وافي بتقديم هاجسها
هلا مرحبا من هاجس صادق الاحساس= يسوقه شغوف النفس عبير نرجسها
تراحيب حاتم طي في عتمت الادماس = ليجوه هجفاء طاوي الجوع عامسها
داعهم سنا ناره على الموقده قباس = ربيع الضيوف الي اقشر الوقت عافسها
ورحل حاتم وبقو على مجلسه جلاس= صناديد شمر راية ماتنكسها
حملنا الامانه من جبل طي فوق الراس = مفاخر عن امجاد اهل المجد مسسها
من دون نقص ولا نتجاهل حقوق الناس = وكل ديرة(ن) به من اهل الجود حارسها
واعود اثني الترحيب فالموقف الحساس = بحق الضيوف الي تشرف مجالسها
هلا لو على حجمه وضعنا وزن وقياس = باسلمى وأجا ترجح ويزود قايسها
نعده لشيخ(ن) عقب شيخ نسل قرناس= ليا عاد لسمه جوخة العز لابسها
حفيد ليث يوم جل الفعول اتقاس = خلايف محصن راية المجد غارسها
تركي طويل الباع من خيرة الاشواس = كما سهيل لساري بعتمة غطالسها
كما طود يذري جانيه من طواه الياس = محجا وملجاء من عنا الوقت متعسها
هذا قول من عد الحقيقه مهوب هجاس = تبقى له رصيد ولا بطى الوقت طامسها
نسل هيلع(ن) تصغيله مقولمات الراس = على صهوته معاقل الخصم يدبسها
يقود الهجوم ولايتخفى وراى المتراس = اليا ساقة العطفه وراى عمر حمّسها
يتعزوى به الفرسان فالموقف المساس = ويفرج كربتن في قمة الياس مييسها
بلغ بالشجاعه يوم وقته مثل جساس = بنهار عارض الخف بضلال فارسها
بزمان الحدب ومصولبات البطن والقواس = تعلو رباعين المعزه متارسها
لهم منبر بالمجد مع روسهم مايراس = هل الحل والترحال مقدام اشاوسها
من لابة اللي من مضر ساسها مايناس = على هامة اعلى الصرح نادر منافسها
وتكنا بهوازن مع شبابه بذات الباس = وبعد رابع الالقاب بجيب خامسها
عن عتيبه الهيلا لو اكتب بكل احساس = بتعب مع التاريخ ما احصي مدارسها
كما انه محيط مابلغ عمقه الغطاس = نفيس الجواهر في شعابه مكدسها
لاكن ابي اشير لروق بالمختصر نبراس = عن اضخم مواجه للصناديد واشرسها
بهم تضرب الامثال باخماسها الاسداس = نهارن على طلال وردة كرادسها
يوم المعركه دارت مشاهيبها قباس = على الصافنات وصفوت الجيش دايسها
ياكثر الذي جازف ولا ضل له منكاس = على قول ابن ماعز فلاعاش ناكسها
تقطع مصاريع الاعنه من الاضراس = تعيي الكحيله ماتطاوع لسايسها
وثقها العطاوي يوم يروي بها عباس = لعزوة مضاوي يوم تطرق نواعسها
تشاهد رجاله يوم تناطح الافراس = تعزوى به قرانيس تجندل فرايسها
ويانعم بالعزوه ومدقوقة اللعاس = ثنو دونها والخصم تنعا عوانسها
عددهم ثمان اميه عن الراوي المدباس = وعدد خصمهم ثمان الاف جنايسها
وابا قف على هذا الحدث دون دق اجراس = قهرت المشاعر حين طقت نواقسها
قصيدة عذال ابن عايد الاسلمي الشمري
« آخـــر الـــمـــشـــاركــــات »
08-Jun-2009, 09:27 PM
قصيدة عذال الشمري في تركي ابن ربيعان
العرض العادي
