نايف بن جريان

[سلطان نايف العضياني]

هذه القصيده للوالد/نايف بن جريان العضياني أرجو أن تنال رضالكم...

الليله أمسى بالضمير إجتلادي=هم(ن) وهوجاس(ن) سرا الليل كله
من هاجسن بالصدر حرق فؤادي=وقلبي همومآ ماضيات أرجعله
واثر على نفسي بكثر الجهادي=والعين كثر النوم صارت تمله
قلت إمتنع يالقلب خلك حيادي=إصبر ولا تجلب على النفس عله
وقتك تغير والحسد فيه زادي=واللي يفكر فالمعاني فطله
جاعن ذيابه محتديهن حادي=وحكم الدهر شيب السباع إركنله
وقامت حصانيته تشن المعادي=صار الحصيني وقتنا مستوله
آخر زمن نبينا عنه أفادي=جا بالحديث وثابتن في سجله
وعلامته زرد الفتن والعنادي=والجار جاره مايزاور محله
وفيه الظلايم ولعت فالبلادي=وكتم الحقايق صار محدآ يمله
وقلوا هل التوحيد علمآ وكادي=ومنزل هل الخير اللأيم إستحله
ولله في تدبير خلقه مرادي=علام ماب الكون دقه وجله
وصلوا على من جا للإسلام هادي=نبينا المبعوث بازكا الأدله

نايف جريان العضياني

[محمد العتيبي]

اللهم صلي وسلم على نبينا محمد صلى الله عليه وسلم ..


صح لسان شايبك / نايف بن جريان

ولاهنت يابونايف على النقل الشامخ ..

تحيتي لك
...

التوقيع

للتواصل عبر twitter تويتر al_bargawy@

[ابن صنهوت]

سلطان .. صح السان ابو سلطان ولاهنت يابو نايف يعطيك العافيه

[سلطان نايف العضياني]

محمد العتيبي

أبن صنهوت

ياهلا ومرحبا

[البريماني]

صلي وسلم على نبينا محمد صلى الله عليه وسلم ..


صح لسان شايبك / نايف بن جريان

ولاهنت يابونايف على النقل الشامخ ..

تحيتي لك
...

[سلطان نايف العضياني]

الوفا طبعي

ياهلا