قصيدة (يالله انك لاتعود العسكرية) والرد عليها

[ابو ضيف الله]

هذة قصة وقصيدة للشاعر عوض العطشان الشلوي الحارثي من اشهر شعراء قبيلة الشلاوي وقال في هذة

القصيدة قبل حوالى سبعين سنة حينما انظم في السلك العسكري وحيث انة يروي ليس متعود

على ان يأمرة احد فقرر ان يفصل وقال هذة الابيات والذي اسمع بعض الناس يرددها عن طرق

الخطاء دون ان يعرفون من قائلها



ياللة انك لاتعود العسكرية ××× والزمان اللى علي البدلة حداني

لبسوني لبس ماهيب لية ××× درعوني باللبوس المشبهاني

دربوني مثل تدريب المطية ×××والصعب منا يعود مــطــوعاني

العريف المستلم طبق علية×××والخفارة طولت والنوم جانــــي

ياللة انك لاتحمنا زرية×××حيث حنا للمعاصي ماندانـــــــــــي

ياوجودي وجود حمر عيدهية×××ساقطا منها الحقب والبـــطاني

فوقها قرماً ببا كوراً قوية×××من وارء العارض يبا دارشــــــــهراني

قطر القرابة وقدم قيهمية×××مع زوال الظهر يوم الشوف دانـــي

هسها العرقوب والديرة ردية×××لين دم الجوف بالذرعان حانــي

او وجودة وجد عرباً فوق طية×××في لهيب القيض معطيتن ثماني

هملن اعيالهن بارض خلية ××× واصبح اعيـــــــــــالهن ذيهبانــي

لين جن البير ليهي جاهلية ××× ماعليها لاورود ولا محــــــــــاني

بركن بشمس تصهرهن شوية×××كل منهن كنة الخرص العماني

لوبغيت ادلة الطاري علية ××× واستحس القلب والهاجوس جاني

يوم اشوف الدين مرتجد علية ××× والظهر عريان والجوع يحداني

طلباً رزق تحطة في يــدية ××× ماعلى بابة شريف ولاهداني



ولكن سمعت قصيتة الشمرية وهي من بنات شمر واعجبت بهذة القصيدة وردت علية وقالت

وسع الملعب لقاف الشمرية ×××وسعة للحق انا بطلق عنانـــــــي

خلني لاتحط قيدك في يدية×××ولعت الفاظ شعري والمعانــــــــــي

جمرةٍ كتمانه صعبٍ علية×××كل شاعر لكتم شعرة يعانـــــــــــــي

يشتعل من شان يستهدي بضية×××كل طرقي في دروب الليل عاني

هزني شاعراً سمعتة في عشية×××عسكري يشتكي مر الزمانـــي

قال ربي لاتعاود العسكرية×××والزمان اللى على البدلة حدانــــــــي

قلت اكيد الرجل واقع بلية×××اومصيبة صكتة بين المحانــــــــــــــي

قال وشو دربوني كالمطية×××واتضح مقصود شعرة وبانــــــــــــــي

طارقلبي واثري الدعوى كذية×××ماقول الا يادنة داني ودانـــــــــــي

استلمها جاتك نصح اخت لخية×××ولا ابي من وقتك الا لي ثواني

قم وصلي واردع النفس الشقية×××واحمد اللى يرتجيةاتس وجان

اللة اللي مدلك رزق وعطية×××حرك بحمدة يدينك واللسانــــــــي

لاتشتكي اشهد ان العسكرية×××غصن رزق وارف رطب ودانـــــي

كم بيت من وراها شب ضية×××يعرفون اللحم دايم بالصوانـــــــي

كم راسب في الفصول المدرسية×××مالقى في غيرهارزق ومكاني

جندي وراتبة خمس وكم مية×××نعمت مايجحدها كون الجبانــــي

اضربو للعسكري احلى تحية×××لوة جندي اشهد انة راعي الشان

حي عينة لغفلت عين البرية×××اسهرة لجل الوطن حب وتفاني

اللي لا صحنا رمى روحة هدية×××يوم غيرة من غلا روحة اناني

لاتلومني بحب العسكرية×××لو اغني دهر حبة ماكفانـــــــــــي

خيرها طوق بعد ربي يدية×××رزق ابوي وشغل اخوي بهالزماني

وانا بنت لاجحود ولاغبية×××واحمد اللي بالرضاء دايم كسانــــــي

عند هذا البيت وقفت المطية×××واكتمل ردي عسى المقصود باني
انتهت قصيدة الشمرية.



منقول
والله يرحمهم جميعاً

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين