قصيده نادره مليئه بالحكم للشاعر المرحوم فهد بن صويلح الجعيد

[الامير حريبيش]

[size=4]قصيده للشاعر المرحوم فهد بن صويلح الجعيد من ذوي هلال من المصالخه من الجعده
تحتوي علي كثير من الحكم
فاليكم هذه الرائعه لاحد شعراء قبيلتنا الراحلين عن الدنيا والباقين في قلوبنا

قال الجعيد اللي يمد النصايح===== من هاجس بالصدق والعرف فايح
يهدي النصيحه للوجيه الفلايح=====يهدي نصيحه عند ربي جزاها
الاوله يالعبد كمل صلاتك======حتي باذن الله تبلغ مرادك
وتعيش في الانوار مدة حياتك======واوصيك نفسك لا تتابع هواها
اوصيك ثم اثني وصاتي ووصيك=====ارفق علي والديك دامت لياليك
وليا طلبت الله فلا هو مخليك=======ترى رضا الخالق يجي من رضاها
اوصيك في عانيك اذا جاك عاني=======لاتندرق عن واحد في المثاني
فيده بمالك والوجه واللساني======= وخذ من عزيز الناس تكسب ذراها
هذا وانا بوصيك الجار لو جار========الجار اله حشمه ولا عنه معذار
اصبر عليه ولو حصل بعض الاخبار=====خلك تميز بيعها من شراها
واصبر علي ربعك ولو جاك زلات====== هم ذرا جنبك ولو جا اختلافات
ولاتتبع باغ العلوم المضرات=======هذا وربعك لاتفرق عصاها
واوصيك عن هرج الحكا والنميمه=======اهل كلام مايمشى زعيمه
واللي تمادوا في الخطايا العظيمه========محاسيس نار خيب الله رجاها
واصدق مع الحكام طيلة لياليك=======واليا كذبت الكذب ماهو بمنجيك
واليا طلع مره يغرك ويرميك======= يرميك في حفره طويل مداها
هذي نصيحه من ممارس ودارس===== ماهي بهرجة حيكوي المجالس
تنشر الي الاسلام جمع الجنائس=======امثال اوصلها ليا منتهاها[/size]