بسم الله الرحمن الرحيم
الأبيات لها موضوعها الخاص اتمنى ان تنال اعجابكم
ألآ يا ناشداً عني موجـود ولا عليّـه بـاس=لو أن أبليس من يمي دايـم مرّكـز عيونـه
اللي على ربه توّكـل مـا يهتـم بالخنّـاس=يمشي بمـآن الله وكـل الشياطيـن ملعونـه
وألآ يا صاحبي أقلط تسمّع من صليب الرآس=اللي يبا يسمـع قصيـدي لا يرفـع تليفونـه
أقول الشعر وأجيده وصيغه بالذهب والمـاس=أجيب البيت تلـو البيـت مقفيّـه وموزونـه
معانيها صعيبه مـا يـحللها فطيـن النـاس=أن كان جته بالمكشـوف ولاّ حيـل مدفونـه
وليا بغيت الشعر مضّرب الأخماس فالأسداس=أجيبه حاضر بحاضر ما حسّب جملـة ديونـه
شعراً مثل صرف الذهب ما هوب فضةً ونحاس=مثل الذهب لو أختلف في شكله وأختلف لونـه
شعر المواقف لا من المواقف دقت الأجـراس=ما هوب شعر اللي يعاين ويش الناس يعطونه
يشوشني ليّا شلته طاروق المجـد والنبـراس=ما هوب طرقاً يغنّى علـى المزمـار ولحونـه
بسم الله نبتدي وأسمع يابو راساً كما المرواس=أنا بعطيك درسـاً فالمعانـي زيـن تقرونـه
أنا بعطيك بالملـي علـى قـدك وبالمقيـاس=وأنا ادري لو أزيد الحمل حملً مـا تشيلونـه
من تبغا الستر نسترها ونلبسها جديد ألبـاس=واللي تبا تكشّـف خلهـا ماهيـب مزيونـه
وأنا هويتلـي دره جميلـه طبعهـا حسـاس=تغازلني تقول أنـا يـا بـدر فيـك مفتونـه
هويتها وأخذتها وأخـذت العـز والنومـاس=والعز والنوماس في الأسـواق مـا يبيعونـه
وللي يطب السوق يربح ولاّ يعلـن الإفـلاس=أما يصير هاموره ولاّ الهامـور مـن دونـه
والعمله غاليه ما تشبـه الأوراق والقرطـاس=ترى القرطاس كل الناس في البرميل يرمونـه
والبومه دايماً بومه ما هيـب نـد للقرنـاس=وفرخ البوم ما عرفه ولا أدري وش يسمونـه
ولا يا راعي الطبخه البن بداخـل المحمـاس=البن بداخـل المحمـاس حبـه لا تحرقونـه
الطبخه اللي لا شربت راعيها يغتشيه نعـاس=وشنهو نوعها وش نوع الهيل اللي تحطونـه
نبا نطلع من الموضوع لا تتعب ولا تنحـاس=نبا ندخل بموضوعاً أبطالـه نـاس مجنونـه
همام مصاحباً سالم وكليب مطّعّنـه جسـاس=وشيبان يصيح يقول ثـار خالـي لا تخلونـه
والجرو ياخذ المعزى بدال الحصن والأفـراس=سلّم سلاحه وخيلـه للقـوم اللـي يحربونـه
ولا يا ناوي المحـدار لازم ترسـل العسـاس=عساكم تعرفون دروب الـدار اللـي تعسونـه
والبحر ما يطبه كود منهـو للبحـر غطـاس=ولا يا راعـي الألغـاز لغـزي مـا تحلونـه
ولا يا ناشداً عني تقيس البحـر مـا ينقـاس=جاك الكلام اللي عساك تعرف ويش مضمونـه
بدر بن الحميدي الدغيلبي
« آخـــر الـــمـــشـــاركــــات »
23-Mar-2009, 11:11 PM
..... يا نا شداً عني.....
لاهنت ....
العرض العادي
