ليا زوعت برقا واحالت تباري روق >>> للشاعر سهل الكسرالمرشدي

[محمد العتيبي]

السلام عليكم ورحمة الله :

هذه قصيده اخرى للشاعر : سهل بن نايف الكسر المرشدي ..
وهي عن الابل ..
ارجو ان تنال ذائقتكم ..
...
.

لعل السحـاب اللـي يخيـل وفيـه بـروق=على اول دخول الوسم مع طيحة الامطـار
تساقا ثعولـه مـن سميـره ليـا ساحـوق=على الديره اللـي تنبـت الربـل والنـوار
تباشر بـه البـدوان معهـم يزيـد الشـوق=مشوا واشملوا من عقب ما انووا علىالمحدار
ليا جاهـم العسـاس والعلـم جـا ماثـوق=ولقا شبعـة البـل فالخزامـى وفالصفـار
ليا زوعـت برقـا واحالـت تبـاري روق=تخالـط دبشهـم فالمضحـى وفالمحضـار
منازيلهـم دايـم دكـاك ودمـاث عـروق=ويشبون للبل لا ضـوت فالمـراح النـار
نباها تـزوع يـا محمـد مـع المشقـوق=تحط الينوفـي والعبـل والجذيـب يسـار
مجاهيم شول يـوم تزمـي مـع اللاهـوق=كما الغيم الاسود يوم يزمـي مـع النهـار
سوادت وبرها كن فيـه الكحـل مسحـوق=هي البل ليا قامـت تبـادح تقـول احـرار
عددها يجي تسعيـن ملحـا ومنهـا فـوق=فطاير وسدس وربع واثنـا ومعهـا بكـار
تخازر تبا الراعي ليا سـاق لـه مسيـوق=طوال الغوارب واللحي والـردوف قصـار
مذاريب اذانيهـا كمـا الخنجـر المذلـوق=وساع المناكب والنحـر والظهـور كبـار
مواريث اهلنا مـا شرانـا جلايـب سـوق=لو ان البـداوه عـودت فـي يـد التجـار
بنات الجمل حرشان هـرشٍ بعيـد عمـوق=كبير الخفاف وطول جنبـه ثـلاث امتـار
سنامه عـن الغـارب ورا فاهـقٍ مفهـوق=طويـل السنـام ليـا زمـا يجحـد الفقـار
عريـض بخـده رخـوم ووسيـع شـدوق=جليل العضود وشطحٍ مـا تنـوش الـزار
انا مولع ٍ فالبـل واوصـف وراعـي ذوق=ولـي نظـرةٍ والنـاس تخالـف الانظـار
ترى البل تسلـي واحـدٍ خاطـره مخنـوق=اناسه ورفـع حجـاج وتهيـض الشعـار
تخض العشوب وتقطف الربـل والزملـوق=ثلاثيـن ليـل يبيـن الـزود فالمشـكـار

التوقيع

للتواصل عبر twitter تويتر al_bargawy@

[عبدالله الجـــذع]

الله..

قصيده في غايه الجمال والروعه.

صح لسان الشاعر الكبير سهل ولاهان ولاهنت يالغالي.,.

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد العتيبي]

عبدالله الجذع مرحبابك يابن العم
مرورك على الموضوع يزيده جمال وروعه ..
اشكرك .. تواجدك يشرفني ..
...

[محب الهيلا]

مشكور وماقصرت يابومشعاب على النقل المميز

[محمد العتيبي]

محب الهيلا
المميز هو حضورك عافاك الله وابقاك ..
...

[أبو نجر النفيعي]

..

ابو مشعاب ..

بيض الله وجهك يالغالي ..
..
وصح لسان الشاعر.. سهل المرشدي ..
قصيده جزله ..

.
والله لا يهينك ..



أخوك

التوقيع

.....

[حمد العطاوي]

بيض الله وجهك صح لسان اللي قائله وسلمت يمنا من كتبها ................................ ابو مشعاب الله يستر لا تعوود علانا بمشعابك .................::[< مجرد مدااعبه هههههههههههههههههههههههههههههههههههههه

[حمد العطاوي]

ابك مهوو عيـــــــد حــــب .......... ذإإ عيد نكد يوولد يا ولد ذا مهوو عيد اعيادنا ثلاثه ...... عيد الفــــــطر ....... عيد الاضحىا ...... عيد مزايين ملتقىا عتيبه الله يعوودهـ علينا بخير...

[محمد العتيبي]

حياك الله ياحمد العطاوي
شرفتني بمرورك وتعليقك الرائع ..
شكرا لك ..
...

[عبدالعزيز البرقاوي]

الله يعطيك العافية