وعرفت إبن العم لو صار ماصار=== ماله بدال عيـال عمـه مـداوي

[خلف القثامي]

عرفت بالدنيا صداقات وأخيـار=== وعرفت بالدنيا كثيـر البـلاوي
عرفت إن الطيب عزّه ومقـدار=== وإن الردى ماله مع الناس هاوي
وعرفت إبن العم لو صار ماصار=== ماله بدال عيـال عمـه مـداوي
وإن الغريب بقوم لو كان مختار=== يبقى غريب ومنعطب بالمكـاوي
وعرفت إن المال لو ألف مليـار=== ماينفع المليـار فقـر الهـواوي
وعرفت دام الطيب موجودله كار=== يدوم مادام النفـس لـه بقـاوي
وعرفت مالي غير وافين الاشبار=== ربعي على الفزعات كفخ النداوي
يالله عسى ماصار مافيه تكـرار=== ونعـود يـدٍ واحـده ماتـلاوي
هذا الخبر وافهم كلامي بتذكـار=== دنياك مادامـت ومالـه مخـاوي
ومن مالمع ذكره بذايعة الأخبـار=== يمـوت يحيـا كلهـا بالتسـاوي
واللي تعلى صيته بكل الأمصـار=== يبكي عليه الكـل دمـعٍ شقـاوي
مامات يبقى حي بقلوب وأبصار===مادام فعله باقـيٍ لـه حـراوي