كان المكافح يظن الشعر وقفة حرف غلطان

[رعد الروقي]

,




بعد السلام عليكم وكيف الحال عندك يا مكافح



,

كان المكافح يظن الشعر وقفة حرف غلطان =لا وخسارة تعب عمره ومغزاه وكفاحه
يارد على العد قومً نصهم له عام ضميان=الله يعلم سبب حرمانهم بارد قراحه

[صاهوود]

صح بنك يالعمدة واحرص من المكافح تراة مجرم ماهو مكافح

[المكافح]

ابك المكافح مسيسها على مذخور جدان= ماطب للمعركه غير الذحيره في سلاحه
والعد يارد عليه من الرجال اشكال والوان= ومن لامعه دلو جاله يارفيقي دلو ماحه

[المكافح]

ياصاهود صباح الخير

[رعد الروقي]

ماودي اظلم جدودك وانت ما حطيت عنوان =لكن جايك سراك ولا تفكر فأي راحه
ضاقت بك الواسعة واسست دار بدون بيبان =يا عنك مدري تباها للسكن والا السياحه

[رعد الروقي]

هلا يا صاهود وصح بدنك ولا تخليني من التوجيهات تراني مسكين

[المكافح]

من يظلم الناس يالعمده ترى ماهو بربحان= تدعي عليه البشر ويصير في بيته مناحه
ماحد يفرط بداره غير مهبول وعميان= وانا مجود حدود الدار ماراحت شلاحه

[رعد الروقي]

طفت الاشارة وانا اشوفك بصير ولا انت عميان =ان كان عندك بلا يفحصك دكتور الجراحه
ان كان تبغى الصراحة غير اسمك كوفي آنان=دورك مشابه لدوره كان ودك بالصراحه

[المكافح]

اشارتك ياوسيع العرف فيها صوت دندان= والذيب لامن غزا ياصاحبي يبعد مراحه
كوفي عنان المسمى سمعته تشرى بالاثمان=وانته كما بوش في وسط العرب جاله صباحه

[المكافح]

يالعمده سامحنا على كل حال واستأذنك يالغالي الفجر اذن