كان المكافح يظن الشعر وقفة حرف غلطان =لا وخسارة تعب عمره ومغزاه وكفاحه
يارد على العد قومً نصهم له عام ضميان=الله يعلم سبب حرمانهم بارد قراحه

ابك المكافح مسيسها على مذخور جدان= ماطب للمعركه غير الذحيره في سلاحه
والعد يارد عليه من الرجال اشكال والوان= ومن لامعه دلو جاله يارفيقي دلو ماحه

ماودي اظلم جدودك وانت ما حطيت عنوان =لكن جايك سراك ولا تفكر فأي راحه
ضاقت بك الواسعة واسست دار بدون بيبان =يا عنك مدري تباها للسكن والا السياحه

من يظلم الناس يالعمده ترى ماهو بربحان= تدعي عليه البشر ويصير في بيته مناحه
ماحد يفرط بداره غير مهبول وعميان= وانا مجود حدود الدار ماراحت شلاحه

طفت الاشارة وانا اشوفك بصير ولا انت عميان =ان كان عندك بلا يفحصك دكتور الجراحه
ان كان تبغى الصراحة غير اسمك كوفي آنان=دورك مشابه لدوره كان ودك بالصراحه

اشارتك ياوسيع العرف فيها صوت دندان= والذيب لامن غزا ياصاحبي يبعد مراحه
كوفي عنان المسمى سمعته تشرى بالاثمان=وانته كما بوش في وسط العرب جاله صباحه