....رجــــــــــــال....

[الشاعر فهد رحيم النفيعي]

رجــــــــــــــال

رجال يعد له ثلاثين رجال = ورجال ما يسوى هدوم تظله
ورجال يصبر لو تغير به أحوال = ويقدر الضيفان في كل حلة
ورجال فالميدان فارس وخيال = وكل الوجوب الكايدة ما تزله
ورجل يصرف من جنيهات وريال = وليا صعب علم على الناس حلة
ورجال إله وقفات في كل منهال = في وقفته يشبه نجوم مطلة
ورجال يثبت لو تجي أقصار وطوال = ثابت على حد الوفاء ما يزله
ورجال واقف دون ربعه وشيال = والحمل لا منه صعب دوم شلة
ورجال إله هيبة ومقدار وفعال = وصادق ومنهاجه على خير ملة
ورجال لا منه بدا يشرح البال = يعرف هلاله بين كل الأهلة
ورجال يدّمح زلة العم والخال = واليا نزل فالحرب سيفه يسله
ورجال دلّوه مايبا يصفق الجال = واليا بداله جرح يبرية كله
ورجال إله وقفات حلحيل حلال = عارف دروب الخير دقه وجله
ورجال يطلب دائماً سترة الحال = وما هو مدوّر لرياجيل خله
ورجال إله عند الرياجيل منزال = وإليا هرج بالصدق محدٍ يمله

(من نظمي )

[جهز العطاوي]

ياسلاااام عليك

مبدع أخوي الشاعر فهد رحيم النفيعي

صح لسانك وعلآ شانك

وبأنتظاااار جديدك

لكــ الوود ,,

التوقيع

سبحان الله وبحمده سبحان الله العظيم ,, أستغفر الله وأتوب إليه

[الــــوافـــي]

صح لسانك ياخوي فهد رحيم النفيعي والقصيده تعتبر من ذهب لأنها تدل على صفات الرجال الحلاحيل وصح لسانك ونطلب منك المزيد
وبالتوفيق

[طلال الوزيلع]

[font=Comic Sans MS]صح لسانك
تقبل مروري
اخووك
طلال الوزيلع [/font]

[ابو محمد الدعجاني]

ورجال يثبت لو تجي أقصار وطوال
ثابت على حد الوفـاء مـا يزلـه
ورجال واقف دون ربعـه وشيـال
والحمل لا منه صعـب دوم شلـة


اخوي فهد قلت وابدعت وصدقت

صح السانك

[محمد العتيبي]

صح لسااانك يابو رحيم على هذه الرائعه والمميزه ..

تحيتي
..

التوقيع

للتواصل عبر twitter تويتر al_bargawy@

[الشاعر فهد رحيم النفيعي]

اشكركم على المرور

وشهادة كبيرة

اعتزبها كثيراً

والله يحفظ الجميع

إحترامي

[ذيب القفيف]

صح لسااانك يابو رحيم على هذه الرائعه والمميزه ..

[فايز بن سرحان الثبيتي]

ورجال يدّمح زلـة العـم والخـال
واليا نزل فالحـرب سيفـه يسلـه
ورجال دلّوه مايبا يصفـق الجـال
واليا بدالـه جـرح يبريـة كلـه



فهد رحيم

صلح لسانك يالقرم

رااااااااااائع يافهد بيض الله وجهك

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[الشاعر فهد رحيم النفيعي]

اشكركم على التفاعل الجميل

مع هذه القصيدة