ياابو مناسيب عيدة جات لجهينه بـ مليون !!!

[سلطان الجـذع]

ياابو مناسيب عيدة جات لجهينه بمليون = وانته بعد رحت ماادري عنك ويش اللي تجيبه
ان كان ماجيت بالمليون والعالم يشوفون = ماانته عتيبي ولاوجهٍ تباشر به عتيبه

[المري اليامي]

صح لسانك والله درررك


والمشكله اني طالب ابومناسيب وانت طالبه الله يعينه ههههه

[بدر الكريزي]

ههههههه

عيدة جتهم بمليونين ههههه

اسطوورة يا الإسطورة ..

صح لسااااانك ..


و صح لساان ابومناسيب مقدماً ..
و الله يوفقه و يجيب لنا الملايين و البيارق ..

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[سلطان الجـذع]

المري وش المشكلة ؟


ابو مناسيب يغرف من بحر يقدر يلاعب معنا ثلاثه والا اربعه

[سلطان الجـذع]

...


الكريزي ... يااخي انت رهيب

صح بدنكـ مليون ولاهنت على تواجدك الجميل ....

[أبونواف]

صح لسانك ياسلطان ..

و صح لسان ابومناسيب مقدماً ..

[محمد النخيش]

ارحب ارحب يالجذع هههههههه

عيده خذت قسمها ولاانت وش قسمك بهالكون = وابو مناسيب لامنه رمى ماخطأ الضريبه
ماجيت للمرحله ياصاحبي ياكود دندون=يالله يارب بيّن فزعة صحيب وصحيبه

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

آخر تعديل محمد النخيش يوم 02-Apr-2009 في 11:48 PM.

[محمد النخيش]

يالله يارب بيّن فزعة اصحيب وصحيبه


جيت اعدلها وازريت

[سلطان الجـذع]

اقرب قريب انك لربعك تعوّد مامعك لون = لكن يااهل البجاديه ترى ماهي غريبة !!
المرحلة يالنخيش يجي لها صاحي ومجنون = ماهو بشرط الوفاء موجود في كل الكتيبه !!

[محمد النخيش]

ان رحت وان جيت دايم معتلي وابليس ملعون=يوم الجذع مختبي له ياعرب داخل زريبه
يمناي وسط الشحم والسيف ياسلطان مسنون=هذا الخبر يالجذع من دون شك ودون ريبه