شـوف غالـي

[عبدالمجيد الثعلي]

أقدم لكم إحدى قصائدي المتواضعه التي كتبتها مؤخراً وأتمنى ان تنال على إعجابكم

فاقد(ن) غالي(ن) شوفه لعيني ضروري=شوفه اللي يخّفف كل أثر بعض مابي
وأدري أن العتب يخرج عن النص طوري=وأدري إن السؤال يعّكس مجرى الجوابي
كل ما أرسل رساله مايجي رد فوري=يبطي الرد لين أرسل رسالة عتابي
قال وشهي شعورك؟ قلت أحس بشعوري!=في غيابك عذاب الحب موجـز عذابي
قال هذا غيابي! قلت هذا حضوري!=قال أجل وش حضوري؟ قلت أجل وش غيابي؟
قال أبا أطيع شورك لو تبا تطيع شوري=قلت لو تختلف وين الخطأ و الصوابي
قال لاتبحث قصورك ولا ابحث قصوري=قلت عاد إحسب حسابك وأبا إحسب حسابي
قال أنا يحق لي من كثر زيني غروري=وأنته إنسى وأنا في غيبتي وش تبابي
قلت أجل وش تكون أنته؟بــكل الأموري=الترف و الدلع ماغيرها لك مرابي
مار أنا من فضل ربي طويله شبوري=ودايم الذيب يبقى ذيب بين الذيابي
وعقب مع باب مدخال المحبه ظهوري=منك وا ويل حاالي منك ألا واشبابي
وقبل أوادعك ما عندي لك آسف وسوري=مار يازين فيك الزين يلفت عجابي
طالبك (سجل إعجابي وسجل مروري!!!)=ولايهم إبتعادي منك وألا إقترابي

وسلامتكم

تقبلوا تحياتي