ياكليب شب النار ياكليب شبه

[((الدلبحي))]

حسب طلب كثير من الاخوان نورد قصيدة الشاعر دغيم بن عيد بن بشير الظلماوي الشمري كامله والمشهور بالوالمه ويقول فيها :
ياكليب شب النار ياكليب شبه
عليك شبه والحطب لك يجابي
الوالمه ياكليب عجل بصبه
والرزق عند اللي ينشي السحابي
علي انا ياكليب هيله وحبه
وعليك تقليط الدلال العذابي
ابعث لها ياكليب من حزل خبه
وشبه الى منه هباكل هابي
باغ الى شبيتها ثم قبه
تجلب سراةٍ من بعيد غيابي
بنسرية ياكليب ياشين غبه
لاهب نسناس تقل سم دابي
متكتفين وناطحين مهبه
متلطمين وسوقهم بالعقابي
صبه لقرم صرفته ماحسب به
يوم البخيل مكنهب الوجه هابي
صبه لمنعور الى جاه نبه
يرخص بعمره والدخن له ضبابي
عده عن اللي مايداري المسبه
اللي يدور بالقصير الغيابي
لاجاضع المنزوع خطوا الجلبه
ياحلو تالي الليل خبط الركابي
اقحص لهم وابدي سلام المحبه
لاشح بالهين كبير العلابي
سلام احلى من شهاليل جبه
واحلى من السمن الجديد العرابي
مع كبش مصلاح الراسه نجبه
من مضرب السكين حن الركابي
وخطوا الولد يوم الملاقا نكبه
يصير معهم من حساب الزهابي
حتيش لو يلبس زبون وجبه
معيرةٍ على غضير الشبابي
انا لقيت الصبر يازين غبه
يرقيك روس مشمرخات الهضابي
من لاصبر ياكليب في حكم ربه
هذاك يوم البعث ماله ثوابي
وسلامتكم

[صـويب الرمـــش*]

أخوي ((الدلبحي)) الله يعطيك العافيه

وسمعت البيت الاول وادور على القصيده لي اكثر من سنه,
تسلم يمينك يالذيب

[الدهاسي]

صح لسان قايلها وتسلم يديك يالدلبحي
يعطيك العافيه

[داهية عتيبة]

تسلم يالدلبحي على هذة القصيدة



لا عدمناك ياولد العم مواضيعك كلها شيقة ومثمرة


تقبل تحياتي ....

[ابو وعيل]

صح لسان الشاعر

وتسلم يديك يالدلبحي ..

[عتيبي عفيف]

لاهنت يالدلبحي

ولك الشكر يا غالي

ولك تحياتي

[((الدلبحي))]

الاخ صويب الرمش
حياك يابوي يشرفني مرورك وسماع تعليقك
تحياتي لك

[((الدلبحي))]

الدهاسي
يعطيك العافيه على مرورك الكريم

[((الدلبحي))]

الاخ العزيز ابن العم داهية عتيبه
يشرفني ويسعدني تواجدك وقراءة تعليقك الشيق
يعطيك العافيه

[((الدلبحي))]

ابووعيل _عتيبي عفيف
حياكم ياعيال العم
نشكركم على المرور وكتابة التعليق
تقبلوا تحياتي