"الغربه كربه"!!!!!! - الهيـــــــــــــلا *** منتدى قبيلة عتيبة

الاشعل · 13-May-2004, 10:48 PM

يقولون ان الغربه كربه والنار ما تحرق الا رجل واطيها ولذلك اهدي هالقصيده
لكل منهو بعيد عن اهله عسى الله يجمع شمولهم!!!!!!!!!

[poet font="Simplified Arabic,4,blue,normal,normal" bkcolor="transparent" bkimage="backgrounds/1.gif" border="outset,4,darkblue" type=0 line=350% align=center use=ex length=0 char="=" num="0,black" filter=""]
ابسري مع السارين واستعجل المسرا=على مسراك خذني لك الله ياساري
على ضو القمر نمشي من الديره الغبرا=أفارق ديار موحشه واتبع دياري
نشد الركايب دامها ليلة قمرا=ولاني بندمانن ولو طال مشواري
لو ان البكا ينفع توجدت بالعبرا=وخليت دمعي ينهمل مثل الامطاري
شعيب من الحره من العين له مجرا=ومن العين الاخرى صافي الدمع مدراري
لاشك الليالي درسها ينكتب يقرا=تعلم دروس الوقت واقراه ياقاري
الا ياوجودي وجد مسموم ما يبرا=بسم ذعاف ولاحد بحالته داري
غصونه نديه ناعمه مورقه خضرا=تردت حياته وانشوى الغصن بالناري
والا يالمداري مايفيدك ولو تدرا=عليك الليالي سهمها صاطي ضاري
الا واعناي امن الدهر ما بقا صبرا=من الصبر ما باقي ولو ربع مقداري
تمشيني الدنيا على الشوك والجمرا=مسير بهالدنيا ولاني بمختاري
وسلامتكم
[/poet]

الدهاسي · 13-May-2004, 11:28 PM

يعطيك العافيه اخوي
قصيدة رائعه

الاشعل · 14-May-2004, 12:06 AM

مشكور يالدهاسي على تواصلك
وتقبل تحياتي

ابو ضيف الله · 14-May-2004, 12:31 AM

صــح لســانك اخوي الاشـعـل
وهــذه الابيـات لا يـتذوقـهـا إلا المغتـربين

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة.

قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة.

اللهم أنصر من نصر الدين وأخذل من خذل الدين

الــوآفــي · 14-May-2004, 09:25 PM

مسير بها الدنيا ولانيب مختاري

عزالله انك صااادق يالاشعل

وصح لسانك ملايييييييييييييييييييين

وعزالله انها جزله

الله يعينا واياكم

وما قصرت طال عمرك

لك كل التحيه

التوقيع