رشيد الزلامى والثنتين

[ابن مورق]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
هو كما هو لايتغير

لا يتنكر 000 عندما تشاهده للوهله

الاولى تشعر بأن ثمه تاريخاّ متحركاّ

يمشى على الارض رشيد الزلامى

ورائعه من ورائعه ستبقى الى ابد الدهر



انا ويش اسوى في زمانى يابن نماس"=" زماناّ مغامر والثقه فيه تخدعنى

يحاول يوقفنى على شفه من ياس"=" وعيت دروباّ تاسع الناس تاسعنى

اخذبي على درب الشقاء والعناء مرواس"=" ولاباقي الا في المهامه يضيعنى

تحملت من جور الليالي بدون قياس"=" ولو حملها ميل على المتن واوجعنى

وصبرا ّ على الشده شجاعه وقوه باس"=" لكن الضروف القاسيه ماتطاوعنى

ليا اجتمعت الثنتين حاجه وشيمه راس"=" وهذي تنزلنى وهذيك ترفعنى

رفعت النظر والله عطانى نظر واحساس"=" وهي ميزه في كل الاحوال تنفعنى

ولو كان بين الصم والبكم لي مجلاس"="هذا مايكلمنى والاخر مايسمعنى

حياه التجارب علمتنى وانا حساس"="وخلتنى اعرف نظره العين وش تعنى

وانا لو بدت لي حاجه عند بعض ناس"=" اريد الكلام وعزه النفس تمنعنى


وسلامتكـــــــــــــــم

اخوكم/ ابــــــــــ( مــــــورق ) ـــــــــــن
[/poet]

[فرهودي]

ابن مورق:
ماشاء الله وش هالقصيدة..
غير طبيعيه .. إطلاقاً
الصراحة من أروع القصايد اللي شفتها ...


حياه التجارب علمتنـى وانـا حسـاس" .."وخلتنى اعرف نظره العين وش تعنـى
وانا لو بدت لي حاجه عند بعض نـاس" .." اريد الكـلام وعـزه النفـس تمنعنـى


وماهي غريبه على الزلامي..

=--===-=-=-==-==-==-=-=-=--=-==-==-=-=-=-=-===-=

ذكرني بقصيدة كديميس اللي مرسلها لزيد بن غازي بن عضيب:
أنا ويش اسوي بالهواجيس يابن عضيب .. انا لي هاجوس عند الليل يسريبي
كما انك فهيم(ن) بالمعاني ورايك مصيب .. أو انك مشيت المعاني كلها بالتجاريبي
حليم(ن) وفهيم وبادي فيك رمس الشيب .. نبي الراي يبن عضيب ياماكر الطيبي

مشكور على القصيدة الرائعه..
والله لايخلينا مشاركاتك..


اخوك فرهودي

[ابن مورق]

اخى فرهودى

مالرائع الا انت

وكم هو شرف لي ان اجد اسمك يتخلل بين صفحاتى

والعفو اخى ماسوينا شى والود ودنا انا نخدم منتدانا بعيونا

ونحاول نقدم اللى يرضيكم سواء من قصائد شعراء عتيبه الكبار

او شعراء عتيبه الذين يصغرونهم سنا بالنسبه الى اعد نفسي

مستشعر وهاوى شعر تحديدا من متذوقي الشعر

اخى

اعدك باذن الله ان ترى ماهو اورع في القادم

الف الف كل الشكر لك على حظورك البراق

[ولد روق]

ابن مورق
شكراً على هذه القصيدة او اللوحة الشعرية الرائعة..
بيان وجزالة وحكمة ..
هكذا يصوغ الكبار قصائدهم ..

تحياتي ..

[((الدلبحي))]

يعطيك العافيه
وبيض الله وجهك
قصيده جزله لشاعر متميز
صح السانك والسان ابوجميل

[خالدالعصيمي]

الاخ بن مورق

بيض الله وجهك على هالرايعه من روايع

أبو جميل رشيد الزلامي


تحملت من جور الليالي بـدون قيـاس
ولو حملها ميل على المتن واوجعنـى


وصبرا ّ على الشده شجاعه وقوه بـاس
لكن الضـروف القاسيـه ماتطاوعنـى


ليا اجتمعت الثنتين حاجه وشيمـه راس
وهـذي تنزلنـى وهذيـك ترفعـنـى


تسلم يمينك وصح اللسان بن زيد



-

[ابن مورق]

اخى ولد روق

العفو ماسوينا شى

شكرا لك على مرورك العبق

لك تحياتى

[ابن مورق]

اخى الدلبحى
لاهنت اخوى وصح بدنك يالغالي

تقبل ارق التحيا واعذبها

[ابن مورق]

اخى خالد العصيمى

ومن يقول ولاهنت اخوى

لاعدمناك يالغالي

الف الف الشكر لمرورك الذي اسعدنى

تقبل ارق التحايا واطيبها

[ابو وعيل]

بيض الله وجهك على القصيدة الاكثر من رائعه

وعشت ياابن مورق ،،،،،

تحياتي